وەزیرێ دەرڤە یێ تورکیا دێ چیتە ئەمریکا
وەزارەتا دەرڤە یا تورکیا دیار کر وەزیرێ دەرڤە یێ تورکیا هاکان فیدان د سەرەدانا خوە یا بۆ ئەمریکا دا دێ بەحسێ گەلەک مژارێن گرنگ یێن دەڤەرێ و جیهانێ کەت، شەڕێ د ناڤبەرا رۆسیا و ئۆکرانیایێ دا و بزاڤێن بۆ راگەهاندنا ئاگربەستێ، رەوشا سووریێ و شەڕێ ل دژی داعشێ و هەروەسا رەوشا باکورێ سووریێ ئانکۆ رێڤەبەریا خوەسەر دێ د سەرەدانا هاکان فیدانی یا بۆ ئەمریکا دا هێنە بەحس کرن.
بەرپرسەکێ حوکمەتا تورکیا ژی بۆ رۆژناما مللیەت یا وی وەلاتی دیار کریە، ئێک ژ خالێن سەرەکی یێ سەرەدانا فیدانی بۆ ئەمریکا ئەوە کو تورکیا داخواز ژ ئەمریکا دکەت دەست ژ پشتەڤانیا یەپەگێ و هێزێن سووریا دیموکرات بەردەت و ئێدی چەکی نەدەتە وان و ژ بۆ ئارامیا ل سووریێ ژی تورکیا بەرهەڤە ل گەل ئەمریکا کار بکەت، هەروەسا تورکیا داخواز دکەت ئیدارا نوو یا ئەمریکا سزایێن ل سەر تورکیا ژی راکەت.
