وەكی پاییزێ
ڕۆژا مزووری
وی ژی وەکی هەمییان دگۆتێ: پاییز وەرزێ نەخۆشی و تێکدان و وەراندنا خۆشییایە، جوانییا هەمی تشتان دئەڤی وەرزی دا وەکی فێقییەکێ گەنی لێدهێت. ل بەرامبەر، وێ ژی دگۆتێ: بۆچی پاییزێ ئەز و تو کۆمڤەکرین؟ ما ئەم ژی وەکی فێقییێ گەنی نە و تو ژی وەکی پاییزێ دێ خۆشیێن من وەرینی.؟
ونە راوەستیا: وەکی پاییزەکا زەر، کو خەملا دارەکا کەسک تێکددەت، دێ دێمێ من ژی زەرکەیی؟ من ژی ژ پاییزان حەزنەدکر.. هاتنا تە ئەو لبەر من شرینکر. ئێدی پاییز بۆ هێمایێ حەزژێکرنا مە، ئەگەر پاییز چەند دخەمگین بن، ئەز دێ ب بیرئینانا بیرهاتنێن مە خەمێن وێ ژخۆ ڤەڕەڤینم و وەرینم. چونکی ئەشقا تە دهەمی وەرزان دا هەر بوهارا دلێ منە.
