وەلاتیێن تورکیا ناخوازن ئێدی ئەردۆغان ببیتە سەرۆک کۆمار
کۆمپانیا مەترۆپۆل یا راپرسیان دیار کر، وان دەست ب راپرسیەکا بەرفرەه ل گەلەک باژێرێن تورکیا کرینە و تێدا پرسیار ژ پشکداربوویان کرینە کا ئەو رازینە گوهۆڕین د دستوورێ نها یێ تورکیا دا بهێتە کرن دا سەرۆک کۆمارێ نها یێ تورکیا بۆ جارا چارێ د دیرۆکێ دا ببیتە سەرۆک کۆمار، د ئەنجاما راپرسیێ دا ٦٧٪ ژ پشکداربوویان دیار کرینە ئەو ل دژی ڤێ یەکێ نە ئەردۆغان جارەکا دی ببیتە سەرۆک کۆمارێ تورکیا و نابیت ژ بۆ ڤێ یەکێ گوهۆڕین د دستوورێ تورکیا دا بهێنە کرن.
هەمان کۆمپانیێ ئەو یەک ژی دیار کریە د راپرسیا وان دا دیار بوویە ٤٠٪ ژ دەنگدەرێن ئاکپارتیێ ژی دیار کرینە ئێدی نابیت جارەکا دی ئەردۆغان ببیتە سەرۆک کۆمارێ تورکیا، چونکی ئەو یەک بنپێکرنا قانوونێ یە و پێدڤیا تورکیا ب گوهۆڕینان هەیە و دێ باشتر بیت کو ب جهێ ئەردۆغانی کەسەک دی ببیتە سەرۆک کۆمارێ تورکیا.
چاڤدێرێن سیاسی ژی دیار دکەن ئێک ژ ئارمانجا سەرەکی یا ئەردۆغانی ئەوە ب رێیا گوهۆڕینا قانوونا هەلبژارتنان بزاڤا ڤێ یەکێ بکەت دا بۆ جارا چارێ ژی ببیتە سەرۆک کۆمارێ تورکیا، لێ هەموو پارتێن ئۆپۆزسیۆنێ و پشکەک ژ سەرکردێن ئاکپارتیێ ژی ل دژی ڤێ یەکێ نە.
