وەلاتیێن سەرسنكێ خڕڤەبوونەك ئەنجام دا و داخوازی هەنە
ئامێدیێ، مەحمودنهێلی:
هەژمارەكا وەلاتیێن ئاكنجی ل ناوچەداریا سەرسنكێ خرڤەبوونەك ئەنجام دا و دڤێن داخوازیێن خوە بگەهیننە لایەنێن پەیوندیدار و دبێژن: كەسێن زەنگین ئەردێن سەرسنكێ هەموو تابۆكرینە و ناهێلن خانی بهێنە ئاڤاكرن و دەست ب سەر ئەردی دا گرتیە.
ئێك ژ خرڤەبوویان دیار كر، هندەك كەسێن خودان شیان دەست دانایە سەر كانیكا گوندێ سەرسنكێ و ئاڤا وێ بریە سەر مەزرەعا و ئاڤا ڤەخوارنێ بۆ مە ل دێرەلۆكێ ئینایە و بۆ مە هەموویان نەخۆشیا گلچیسكان چێبوویە.
وەلاتی داخواز دكەن لژنەكا بلند بهێتە پێكئینان و دووڤچوونا ئەردێن سەرسنكێ بكەت و حكومەت بهێتە سەر خەت و ئاریشەیێن وانا بهێنە چارەسەكرن.
