وەلاتیەکێ “کوری” کافیەک ل دھۆکێ ڤەکریە
ئه‌ڤرۆ نيوز:
بەرپرسێ لیژنا کافێیان ل رێڤەبەریا گشتی یا گەشت و گوزارێ ل پارێزگەھا دھۆکێ ئاشکراکر، 48 کافی ل دھۆکێ ھەنە و کافیێن بێ مۆلەت ھەنە و کافێ ھەنە خەلکێ بیانی ڤەکرینە و گۆت: کافی ھەنە ل دھۆکێ دو پشکن، پشکەک گەنج دچنێ و پشکەک خێزان، کافی ھەنە مرۆڤێن ب تەمەن دچنێ و مرۆڤێن مەزن نەشێن بچنە گەل گەنجان روونە خوار و مرۆڤێن مەزن حەز جھەکێ ئارام دکەن و تایبەت ھەکە باخچە ھەبن.
ھەژار سەعدۆللا بەرپرسێ لیژنا کافێیان ل رێڤەبەریا گشتی یا گەشت و گوزارێ ل پارێزگەھا دھۆک بۆ رۆژناما ئەڤرۆ دیار کر، کافێیێن مۆلەت وەرگرتین ژ رێڤەبەریا گەشت و گوزارێ ل پارێزگەھا دھۆک 48 کافێنە، ل شەش ھەیڤێن بۆری مۆلەت بۆ ھەشت کافێیێن دی ھاتیە دان و گەلەک کافیان ژی داخوازا مۆلەتێ کرینە و نوکە کاری ل سەر دکەن کو نێزیکی 30 کافیان و د ماوێ ڤێ ھەیڤێ دا دێ ب دووماھی ھێن و رازیبوونا فەرمانگەھێن پەیوەندار گیرۆ دبیت.
ھەژار سەعدوللا خویاکر ژی کو چەندین مەرج ھەنە دڤێت کافێ ل سەر وی بنەمایی بھێتە دروستکرن کو دڤێت دووری مالان بیت و کارتێکرنێ ل وەلاتیان نەکەت، کافی ھەتا دبیتە کافیتریەکا گەشتیاری دڤێت خوارنەکا سڤک ھەبیت، نارگیلە یە قەھەوە یە، چا، تەزیاتی و کوالێتی یا تشتی وی یا باش بیت و مێزە و قەنەپە باش بن و ئەڤە گەشتیاری بیت و ئەڤە ل سەرانسەری پارێزگەھا دھۆکێ، کافیان ژی ستێر ھەنە و پشتی لیژنا گەشت و گوزارێ سەرەدانێ بۆ دکەت و دووڤچوونێ ل سەر کارێ وێ دکەت ئەو دێ ستێرا دیارکەت.
زێدەتر ئاشکرا کر، کافی ھەتا پێنچ ستێر ھەنە، کافیا پێشکەفتی باغچێن باش ھەنە، کرێکارێن ئەکادیمی ھەنە و سەرەدەریەکا جوان ل گەل خەلکی دکەن و ب تێلەفونا کار دکەن و جھەکێ ئارامە و خەلکێ رازی یە و ب تنێ خەلکێ ئاست بلند قەست دکەنێ و جھێ وی یێ پێشکەفتی یە و ئەڤە ل دووڤ کوالێتی یا تشتێ وی دمینیت.
ھەژاری گۆت: کافی ھەنە ل دھۆکێ دو پشکن، پشکەک گەنج دچنێ و پشکەک خێزان، کافی ھەنە مرۆڤێن ب تەمەن دچنێ و مرۆڤێن مەزن نەشێن بچنە گەل گەنجان روونە خوار و مرۆڤێن مەزن حەز جھەکێ ئارام دکەن و تایبەت ھەکە باخچە ھەبن.
ھەژاری گۆت ژی: گەلەک کافی ل دھۆک ھەنە نە گەشتیاری نە و کوالێتی یا تشتێ وی وەک مێزە و کورسیک و جھێ وی نەیێ گونجایە و بچووکە و ئەڤە نابنە گەشتیاری، پتریا خودانێن کافیان خەلکێ کوردستانێ نە و ئەگەر ئێکێ بیانی ھەبیت ژی ب رێیا پارێزگەھێ دەستووردان بۆ ھاتیە دان و ئاسایش چاڤدێریێ لێ دکەت، ب تنێ قەھەوەخانەک ل دھۆکێ ھەیە و کەسەکێ کوری ڤەکریە و رەگەزنامە ئەمریکی یە و دەستووردان بۆ ھاتیە دان، خودانێن ھەموویان زەلامن ب تنێ کافی ھەنە ئافرەت ل بەر کار دکەن.
ھێشتا گۆت: د دووڤچوونا بەردەوام یا کارێ مە دا ھەکە ھەر کافیەکا رێنمایێن مە بجە نەئینابن، دێ ھوشداری بۆ ھێتە دان و پشتی حەفتیەکێ ھەکە ھەر بجھنەئینابن دێ ب کوژمەکێ پارەی ھێتە سزادان و ھەکە چەندین جاران مە گوتێ و بەردەوام بۆ ل سەر شاشیا خوە دێ ھێتە گرتن و ھەتا نوکە چو کافی نەھاتینە گرتن، خەلکێ مە ھاریکارە و رێژا کافیان ل ھەر دو پارێزگەھێن سلێمانیێ و ھەولێرێ پترن ژ کافێیێن دھۆکێ.
ھەژار سەعدۆللا، ئەو چەندە ژی ئاشکراکر کو کافی ل دھۆک ھەنە دەستووردان نینن و داخوازا مۆلەتێ کرینە و ئەم ھایداری کارێ واینە و مە رێ دایێ ھەتا دەستووردانێن وان ب دووماھی بھێن، ھەر کەسەکێ حەزا دروستکرنا کافیەکێ ھەبیت و ئەو بڤێت یا پێشکەفتی بیت و ئەم رێنما بدەینێ دێ بیتە چار و پێنچ ستێر و ھەکە وی دروست کر و مەزاختیێ خوە کر دانا ستێرا ب کەیفا وی نابیت دێ ب کەیفا لیژنێ بیت.
ھەمبەر ھەبوونا کافیان و گوھورینا سیمایێ باژێری، ناڤبری گۆت: گەنج ل سەر جادا نامینن و ھەموو دھێنە کومکرن ل کافیەکێ و جھەکێ گەشتیاری یە.
