وەلاتیەک د ئاڤێدا خەندقی
ئه‌ڤرۆ نیۆز،عه‌زیز ره‌سول هه‌ورامانی:
رائیدێ مافپەروەر عەلی جەمال قدووری پەیڤدارێ پۆلیسێن گەرمیان بۆ ئه‌ڤرۆ نیۆز گوتیە:وەلاتیەک ل قه‌راخا ئاڤا رووبارێ باله‌جۆ پێ وی دحلیسیت و دکەڤیتە دناڤ رووباری دا و دخەندقیت،هەروەسا پشتی چەند دەمژمێران تیمێن لێگەریانێ ب هاریکاریا پۆلیس و غەواسان شیان تەرمێ وی ببینن و ژ ئاڤێ بینەدەر،ل دووڤ دا تەرمێ وی تەسلیمی کەسوکارێن وی کر.
پەیڤدارێ پۆلیسێن گه‌رمیان زێدەتر گۆتیە،:کو ناڤێ وی کەسی (ئاریان خەلیل حسێن) ە، ژ دایکبوویێ سالا 1982 یە و خەلکێ گوندێ باریکە یە یێ سەر ب ناحیا قۆرەتۆ ڤە،هەروەسا ئاڤا قۆره‌تو پشکەکە ژ رووبارێ سیروان،دیسا وەلاتی ب مەرەما ماسیگرتنێ و مەلەڤانیان سه‌رەدانا ڤی رووباری دکەن و ل هاڤینا ئەڤ سالەدا ئەڤە کەسێ شەشێ یە د ڤی رووباری دا د خەندقیت.
