وەلاتێن عــەرەبی داخـوازەکـێ ژ ئەمـریکـا دکـەن
ئاژانسا رویترز د راپۆرتەکێ دا دیار کریە وەلاتێن عەرەبی داخواز ژ سەرۆکێ ئەمریکا کرینە کو ب هەموو هێزا خوە ل ئیرانێ بدەت دا ئێدی ئیران نەبیتە مەترسی بۆ وان وەلاتان، چونکی ئیرانێ زیانێن گەلەک مەزن گەهاندینە وەلاتێن عەرەبی و هەکە ئیران لاواز نەبیت یان ژی رژێما نها نەهێتە ژناڤبرن دێ ئیران بیتە ئاریشەیەکا گەلەک مەزن بۆ وەلاتێن عەرەبی و دڤێت ئەمریکا ب هەموو شیانێن خوە بەردەوامیێ بدەتە شەڕی و نها باشترین دەلیڤەیە دا رژێما ئیرانێ بهێتە لاوازکرن.
د راپۆرتێ دا هاتیە دیار کرن، وەلاتێن عەرەبی وەسا دبینن هەکە شەر ب سەرکەفتنا ئەمریکا ب دووماهی نەهێت، ئیران دشێت د دەمەکێ کورت دا خوە بهێز بکەت و دشێت ببیتە مەترسی بۆ هەموو وەلاتێن عەرەبی و ژ بەر ڤێ یەکێ ژی ئەمریکا دشێت رژێما نها یا ئیرانێ ژناڤ ببەت یان ژی وەسا لاواز بکەت کو ئێدی نەبیتە مەترسی بۆ وەلاتێن عەرەبی، چونکی موشەکێن ئیرانێ مەترسینە بۆ وەلاتێن عەرەبی و دڤێت ئیران دەست ژ بەرنامەیێ خوە یێ موشەکی بەردەت.
