وەلاتێ ئیماراتێ گرنگییەكا تایبەت ب هەرێما كوردستانێ ددەت
وەلاتێ ئیماراتێ چەندین پڕۆژە ل هەرێما كوردستان ئەنجامداینە و گرنگییەكا تایبەت ب هەرێما كوردستانێ ددەت، هەروەسا نوكە پتر ژ 10 پڕۆژەیان ل هەرێما كوردستانێ هەنە.
د. محەمەد شوكری، سەرۆكێ دەستەیا وەبەرهێنانێ ل هەرێما كوردستانێ، بۆ رۆژناما ئەڤرۆ گۆت: «پەیوەندیێن مە ل گەل كۆمپانیێن ئیماراتی گەلەك د باشن و هژمارەكا كۆمپانیێن ئیماراتی ل هەرێما كوردستانێ هەنە، د كەرتێن نەفت و غازێ و چاندنێ و پیشەسازی و گەشتوگوزارێ دا وەبەرهێنانێ و كارێ ڤەگوهاستنێ دكەن و گرنگییەكا زۆر ب هەرێما كوردستانێ ددەن».
ناڤهاتی گۆتژی: «ئەم بەردەوام د پەیوەندییان داینە، بۆ هندێ پتر كۆمپانیێن ئیماراتی بهێنە هەرێما كوردستانێ و كارێن باشتر بكەن، ئیمارات ئێكە ژ وان وەلاتان، كو زۆرترین كارێ وەبەرهێنانێ ل هەرێما كوردستانێ ئەنجام ددەت و ل سەر ڕاسپاردا سەرۆكێ حكومەتێ، پێدڤییە ئاسانكاریێن تەمام بۆ وەبەرهێنەرێن ئیماراتی بهێنە كرن».
