وەلاتێ ڕۆژێ
نایف مەحمود
ئەز..
دیرۆكەكا كەڤنارم
دەفتەرا خەبات وخوینێ
شوناسێ هەبون و ژینێ
فێرگەها هێز و ڕابوونێ
ئەزم خاكا پاك و ڕەسەن
دەستەكێ من ژان و برین
دەستێ دی ژی تژی وژدان،
دلۆڤانی و هیڤی ئەڤین..،
ئەز..
بۆ ئاشتیێ دقەبم
بو نەیار و گورگ و هۆڤا ب شەر تو جەنگ
گەر وە بڤێت ئەز بكەڤم
یان ب ڕەڤم
ئاراراتم ڕومەتا وەلاتێ ڕۆژێ
ئەلهۆ بازێ چیا مە
كەلها بلند و ئاسێمە و خۆڕاگرم
نە د لەزرم
نە د هەژم
گەر چاڤێن وە كۆرەببن
كەرب و كین ژ وە بكەڤن
ئەزم ستوینا ڤی ئەسمانی
بەرز و بلند
ئالا پیرۆز
شەرەف و سۆز
كوردستانا ب ناڤ و دەنگ.
