يانێن عيراقێ ياريكه‌رێن خوه ناده‌نه هه‌لبژارتيێ عيراقێ
ئەڤرۆ نيوز:
راھێنەرێن ھەر ئێک ژ یانێن زەورا و شورتە و مینا رەتکریە دەلیڤێ ب دەنە یاریکەرێن تیمێن خوە بو کەمپا راھێنانێ یا ھەلبژارتیێ عیراقێ ئەوا بریارە دوحە بھێتە دانان و ماوێ حەفتیەکێ ڤەکێشیت و وان راھێنەران کارگێریێن یانێن خوە ئاگەدار کرینە نابیت یاریکەر پەیوندی ب ڤێ کەمپێ بکەن و نوکە تەپا پێ ل سەر دەمێ پیشەکاریە و دێ ل ژێر یاسایا نێڤدولی یاریکەران دەنە ھەلبژارتیێ عیراقێ.
باسم قاسم راھێنەرێ زەورا دیارکریە ئەو نە یێ بەرھەڤە بەری ھەر یاریەکێ دەە رۆژان یاریکەرێن خوە ب دەتە ھەلبژارتیێ عیراقێ و دیارکر ژی بۆ ھەر یاریەکێ ئەو د بەرھەڤن بەری یاریێ ب ٧٢ دەمژمێران یاریکەرێن خوە فرێکەن.
ژلایەکێ دووڤە حوسام سەید و حەکیم شاکر ژی ھەمان بوچون ھەبوو و دیارکر نە د بەرھەڤن ب چو رەنگەکی یاریکەرێن خوە بەری دەە رۆژان فرێکەنە ل گەل ھەلبژارتیێ عیراقێ و نوکە ب سیستەمێ پیشەکاریێ کار دکەن و بتنێ مافێ ئێکەتیا تەپا پیێ ھەیە بەری ھەر یاریەکێ ب ٧٢ دەمژمێران داخوازی ژ یانا بکەن بۆ یاریکەران.
ژلایێ خوڤە یەحیا علوان راھێنەرێ ھەلبژارتیێ عیراقێ داخوازی ژ ھەمی راھێنەرێن یاریکەرێن وان ھاتینە داخوازکرن کومبونەکێ ل گەل بکەت ل بارەگایێ ئێکەتیا تەپا پێ یا عیراقێ بوو وێ چەندێ ب گەھنە رێککەفتنێ چونکو بو بەرژوەندیا عیراقێ کار دکەت.
