١٢٠ کچ و کور دێ فێری زانستێن سەربازی بن
ئەڤرۆ، سالار دۆسکی:
بەرپرسێ مالا لاوان ل دھۆکێ دیارکر مالا لاوان ب ھەفکاری ل گەل پەیمانگەھا داڤێنشی، ژڤانە ل حەفتیا داھاتی پرۆژەکێ زانستێن سەربازی کو تێدا (١٢٠) کور و کچ تێدا پشکداربن ڤەکەت.
رێڤینگ شێخکی، بەرپرسێ مالا لاوان ل دھۆکێ بۆ ئەڤرۆ نیۆز گۆت: ١٢٠ کچ و کورێن پەیمانگەھا داڤێنشی دێ بۆ ماوێ (١٠) رۆژان ل سەربازگەھا (پێشابیرێ) دناڤ پێشمەرگەی دا فێری ھەموو راھێنانێن پێشمەرگەی بن، سمینار و وورک شوپ و ئاھەنگ دێ ھەبن.
شێخکی ئەو چەندە ژی گۆت: پرۆژە دێ ب شێوازەکێ ئەزموونی بیت، بەرپرسێ ئێکەتیا لاواێن کوردستانێ کاک (مەیسەر عوبێد) دیارکریە کو ھەکە پرۆژی سەرکەفتن ئینا دێ بیتە پرۆژەکێ سەرانسەری و ھەموو ناڤەندێن لاوان ل سەر ئاستێ ھەرێما کوردستانێ ھێتە ئەنجامدان.
شێخکی ئەو ژی ئاشکراکر کو ئارمانج ژ ئەنجامدانا پرۆژەی ئەوە گەنجان لەشکەکێ ساخلەم ھەبیت و یێ بەرھەڤ بیت بۆ ھەر گرفتەکا تەنگاڤ کو ل پاشەرۆژێ بشێت خزمەتا وەلاتێ خوە بکەت.
