١٧ گوڤێن تەرش و كەوالی ل باتیفا هاتنە راكرن
ئه‌ڤرۆ نیوز، نه‌وزاد هلۆری:
ب مەرەما خزمه‌تكرنا وه‌لاتیان و په‌یداكرنا ژینگه‌هه‌كا باشتر، هه‌ن بۆ مروڤان هه‌ند ژی بۆ ئاژه‌ل، دیسان رێكخستنه‌كا باشتر یا كارێ خودانكرنا ته‌رش و كه‌والی و جوانكرنا سه‌ر و سیمایێ باژێری، باژێرڤانیا باتیفا هه‌موو ئه‌و گوڤێن دكه‌ڤنه سه‌ر رێیا گشتی یا تاخێ شوره‌ش ڤه‌گوهاستن.
جندى حاجى، سه‌رۆكێ باژێرڤانیا باتیفا بۆ ئه‌ڤرۆ گۆت: (ب مه‌ره‌ما رێكخستنه‌كا باشتر بو كارێن خودان ته‌رش و كه‌وال و په‌یداكرنا ژینگه‌هه‌كا ساخله‌م بۆ مرۆڤان ژی، هژماره‌كا گوڤان لسه‌ر جاددا سه‌ره‌كی یا 30 مه‌تری یا تاخێ شوره‌ش ل باتیفا هاتنه راكرن).
زێده‌تر گۆت: (هژمارا وان 17 گوڤ بوون و كارتێكرنه‌كا خراپ لسه‌ر ژینگه‌هێ و تێكدانا سه‌رو سیمایێ باتیفا ژی هه‌بو، ژبه‌رڤێ هه‌موو بۆ جهه‌كێ گونجای هاتنه ڤه‌گوهاستن ل ده‌رڤه‌یێ باژێرێ باتیفا).
