٢٤٤ كادر د خۆلەكا ڕەوشەنبیری دا ل ئامێدیێ دەرچوون

ئامێدیێ، مەحمود نهێلی:

ل ژێر چاڤدێری و ب ئامادەبوونا بەرەڤان حەمدی، بەرپرسێ لقێ ١٨ یێ پارتی، رێورەسمێن دووماهی هاتنا خۆلا ڕەوشەنبیری و پێگەهاندنا كادران، دوهی ٢٣/١٠/٢٠٢٣ هاتنە گێڕان، كو تێدا ٢٤٤ كەسان پشكداری كربوو.
ئەڤ خۆلە ژ لایێ پشكا ڕەوشەنبیری و ڕاگەهادنا لقێ ١٨ یێ پارتی ڤە هاتبوو ڤەكرن و هەر هەشت لژنێن ناوچەیان ب پشكداریا ٢٤٤ كادران تێدا پشكداربوون، باوەرنامە ل سەر دەرچوویان هاتنە بەلاڤكرن.
بەرپرسێ لقێ 18 یێ‌ پارتی د پەیڤەكێ دا بەحس ل گرنگیا راگەهاندنێ و ب تایبەت سوشیال میدیایێ و رۆل و ئەركێ كادران د ڤی بیاڤی دا كر و گۆت: «ئەڤرۆ راگەهاندنێ و ب تایبەت یا ئەلكترۆنی كارتێكرنەكا مەزن هەیە و گرنگە كادر ب باشی ب كاربینن و بێخنە د خزمەتا بەرنامەیێ پارتی و دۆزا رەوایا گەلێ مە دا».
بەرپرسێ لقێ 18 بەحسێ رەوشا دەڤەرێ و پەیوەندیێن هەرێمێ و ئیراقێ و هەلبژارتنێن داهاتی یێن كوردستانێ كر و گۆت: «كورسیەك زێدەتر یان كێمتر نەیا گرنگە، بەرامبەر دووبارە ڤەگەراندنا شەرعیەتێ بۆ دام و دەزگەهێن فەرمی یێن هەرێمێ و پەرلەمان دووبارە بكەڤیتە كاری و حكومەت نەمینیت كاربرێكەر، ژ بەركو ڤێ كارتێكرنا خوە یا نەرێنی ل سەر كوردستانێ ب گشتی هەیە ل سەر ئاستێ ناڤخوە و دەرڤە».

کۆمێنتا تە