٢٥ سالن كارێ فرۆتنا جەمەدانیان دكەت
رەمەزان زەكەریا:
سالح یوسف، فرۆشیارێ جەمەدانیا ل هەولێرێ، د دیدارەكێ دا بۆ رۆژنامەیا ئەڤرۆ گۆت: دەمێ پتر ژ ٢٥ سالانە كارێ فرۆتنا جەمەدانیان دكەم و سالەكە كارگەهەكا بچووك دانایە و رۆژانە جەمەدانیا لێ دروستدكەین و رەوانەی پارێزگەهێن هەرێمێ دكەین و ب كارێ خوە د دلخۆشین.
هەروەسا گۆت: رۆژانە ١٢٠ جەمەدانی ل هەموو جۆران دهێنە دروستكرن ئێكسەر دهێنە رەوانەكرن بۆ پارێزگەهێن دی و رۆژانە پێنج كرێكار كار تێدا دكەن ، ل دووف شێوازێ ناوچە و دەڤەرێن كوردستانێ دهێنە دروستكرن، ل پارێزگەها هەولێر و باژێرێن رۆژهەلاتێ كوردستانێ زۆرترین خواست ل سەر جەمەدانیان هەیە ب تایبەتی مهاباد و سنە ، كارگەها مە ئێكەمین كارگەها دروستكرنا جەمەدانیایە ل هەموو كوردستان و عیراقێ ل وەرزێ زڤستانێ خواست ل سەر جەمەدانیا زێدەتر دبیت، گەنج پتر ژ جاران ب كاردئینن.
