٤١ زارۆیان خوە کوشتینە
ئەڤرۆ نیوز، هۆشەنگ تاجر:
فەرهاد محەمەدی ئەندامێ رێکخراوا مافێ مرۆڤی یا رۆژهەلاتێ کوردستانێ بۆ ئەڤرۆ نیوز دیار کر کو ل گۆر ڤەکۆلینێن سازیا مە ل سالا بۆری ل هەموو رۆژهەلاتێ کوردستانێ ١٨٥ کەسان ژ بەر ئەگەرێن جودا جودا خوە کوشتینە کو پرانیا وان ژ بەر رەوشا خراب یا ئابووریێ و کێشێن خێزانی بووینە و گۆت: (مخابن ٤١ کەس ژ ڤان زارۆ بووینە ئانکۆ ژیێ وان خوار ١٨ سالیێ بوویە کو ئەو یەک ژی کارەساتەکا مەزنە).
ل دۆر ئەگەرێن خوە کوشتنێ ژی ئەندامێ رێکخراوا مافێ مرۆڤی یا رۆژهەلاتێ کوردستانێ دیار کر کو دو ئەگەرێن سەرەکی هەنە یا ئێکێ هەژاریە و خالا دویێ ژی کێشێن خێزانی و جودابوونا دایک و بابان وەسا کریە کو زارۆیێن وان دەست ب خوەکوشتنێ بکەن.
