٥٠٠ کەسێن بیانی ل رۆژهەلاتێ کوردستانێ هاتنە گرتن
ئەڤرۆ نیوز:
محەمەد جەلالی ژ باژێرێ ماکۆ یێ رۆژهەلاتێ کوردستانێ بۆ ئەڤرۆ نیوز دیار کر کو د ماوەیێ دو مەهێن بۆری دا پتر ژ ٥٠٠ وەلاتیێن بیانی کو پرانیا وان خەلکێ ئەفغانستانێ نە دخواستن ب رێیێن نەقانوونی ژ سنورێ رۆژهەلاتێ کوردستانێ و دەرگەهێ سنوری یێ بازرگان دەربازی تورکیا ببن، لێ ژ ئالیێ هێزێن ئێمناهیێ ڤە هاتینە گرتن.
ناڤهاتی ئەو یەک ژی دیار کر کو پشتی رەوشا ئابووری یا ئیرانێ خراب بوویی ب هزاران وەلاتیێن ئەفغانستانێ کو بەری نها ل ئیرانێ دژیان دخوازن نها ب رێیێن قەچاغی دەربازی تورکیا ببن و بچنە ئورۆپا و د ماوەیێ دو مەهێن بۆری دا پتر ژ ٥٠٠ کەسان هاتینە گرتن.