٦٠% پرۆژێ ھایدروپاوەرێ دێرەلۆک ب دووماھی ھاتیە
ئەڤرو نیوز، مەحمود نھێلی:
کارکرن د پرۆژەیێ ھایدروپاوەرێ دێرەلۆک دا یێ بەردەوامە و ھەتا نوکە رێژا چێکرنا وێ نێزیکی ٦٠% بوویە ب دووماھی ھاتیە و پێدڤیە د ھەیاما ١٦٠٠ رۆژان دا ب داوی بھێت.
ئەندازیار سائیر ئامێدی ئەندازیارێ سەرپەرشت ل سەر ڤی پرۆژەی بۆ ئەڤرۆ نیوز دیارکر، کو ئەڤە ئێکە ژ پرۆژەیێن ھەرە گرنگ ل دەڤەرێ دھێتە چێکرن و گۆت: ئەڤ پرۆژە ژ دو قوناغان پێکدھێت کو قوناغا ئێکێ پێک دھات ژ چێکرنا وێستگەھێ کارەبێ و ل گەل کێشانا ھێلەکا کارەبێ یا ١٣٣ کەیڤی ل سەرسنکێ بۆ دێرەلۆکێ و کوژمێ ٢٢ ملیون و ٤٠٠ ھزار دولاران بۆ ھاتبوونە تەرخانکرن و نوکە ١٠٠% ب داوی ھاتیە.
ناڤھاتی دیارکر قوناغا دویێ ژی چێکرنا سکری و ل گەل توربینا پێک دھێت و کوژمێ ١٢٩ ملیون دولار بۆ ھاتبوونە تەرخانکرن و نوکە نێزیکێ ٦٠% ھاتیە چێکرن و گۆت: ماوێ ڤی پرۆژەی ١٦٠٠ رۆژن و دێ ١٨ متران ھێتە بلندکرن و فرەھیا بنێ سکری ١٧ متر.
ناڤھاتی ئاشکرا کر دەمێ تمام بوونا ڤی پرۆژەی کو ژ دو توربینا پێک دھێت ، دێ ( ٣٧.٥ میگا وات ئەمپیرێن) کارەبێ بەرھەم ئینت دێ ل گەل کارەبا نیشتیمانی ڤە ھێتە گرێدان.
