(٦٢) سالێن پڕی خه‌بات و تێكۆشین و پێشمه‌رگاتیا سه‌رۆك بارزانی
زه‌نون سلێڤانه‌ی ــ زاخۆ
سه‌ركرده‌یێ پێشمه‌رگه و ئاشتیخواز سه‌رۆك مه‌سعود بارزانی ژ خیزان و مالباتا بارزانییان و كورد و نیشتیمانپارێز دگه‌ل ئه‌لندا رۆناهیا تیرۆژكێن هه‌تاڤا كه‌لا گه‌رما هاڤینێ دا ل رۆژا ١٩٤٦/٨/١٦ ل ژێر سیبه‌را ئالایێ كوردستانێ ل باژارێ مهاباد رۆژهه‌لاتێ كوردستانێ یێ هاتیه سه‌ر دونیایێ.
هه‌لبه‌ت پشتی رژێما مه‌له‌كى یا یا ئیراقێ لسه‌ر ده‌مێ شۆرشا ١٤تیرمه‌ها ١٩٥٨ هاتیه رۆخاندن سه‌ركردێ دیرۆكی (مه‌لا مسته‌فا بارزانی) ڤه‌گه‌ریا ناڤچه‌داریا بارزان سه‌رۆك مه‌سعود بارزانی د ته‌مه‌نێ ١٢سالیێ دا ئێكه‌م جاره ل دیدارا بابێ خوه شادبیت.
بێگۆمان سه‌رۆك بارزانی ل وی سه‌رده‌می هه‌ست ب هندێ دكر زانیاری ژ پسپۆریا بابێ خوه ده‌رباره‌ی خه‌باتا سیاسی و مافێ چاره‌نڤیسێ پاشه‌رۆژا گه‌لێ كوردستانێ یا وی رادكر و پێ ئاگه‌هبی. ده‌ما سه‌رۆك بارزانی دگه‌ل مالباتا خوه فه‌گه‌ریا ناڤچه‌داریا بارزان ئه‌و ده‌ڤه‌ره ب ئێكجاری هاتبوو وێرانكرن ل پشتی قۆناغه‌كا كورت دا،، دیسا ڤه رژێما ل وی سه‌رده‌می ده‌ست ب هه‌وا سته‌مكاریێ داگێركرنا كوردستانێ كر، ل ڤێرێ یا دیاره سه‌ركردێ دیرۆكی بارزانیێ نه‌مر پارتی دیموكراتی كوردستان ب سه‌ركێشیا بزاڤا رزگاریخوازیا كوردی نه‌چار دبیت و بانگه‌وازیا ده‌سپێكرنا شۆرشێ و بزاڤا ئازادیخواز راگه‌هاند شۆرشا ١١ئیلۆنا ١٩٦١ ده‌سپێكر ژبۆ به‌رسینگرتنا سته‌م و نه‌هامه‌تی و سیاسه‌تا رژێما فاشیێ یا وی سه‌رده‌می دژایه‌تیا ئارمانج و ماف و چاره‌نڤیسێ گه‌لێ كوردستانێ دكرن.
سه‌باره‌ت بارزانیێ نه‌مر و پێشمه‌رگه‌یێن دگه‌ل دا ده‌ست ب خه‌بات و تێكۆشینێ و خه‌باتا چه‌كداری كاركرن ژبۆ پاراستنا گیانێ گه‌لێ كورد كو بگه‌هینیت بۆ قۆناغێن ئازادیێ و رزگاریێ.
هه‌لبه‌ت یا دیاره سه‌رۆك مه‌سعود بارزانی ل وی سه‌رده‌می ژی زانیاریێن باش وه‌ردگرتن، ل دۆر ژیانا گه‌لێ كوردستانێ د كاودان و قۆناغێن رۆژانێن سه‌خت و دژوار و سته‌ملێكری دا، ده‌ربازدبیت ژ نه‌چاری ده‌ست ژ خواندنا خوه به‌ردده‌ت رێكا خه‌بات و تێكۆشینێ و به‌ره‌ڤانیكرنێ هه‌لبژارت و ئه‌ڤ ره‌نگه خه‌بات و تێكۆشین و سه‌ربۆر دبیته رێ باوه‌رنامه بۆ كه‌سایه‌تیا سه‌رۆك بارزانی د ته‌مه‌نێ ١٦سالیێ دا چه‌كێ شه‌ره‌ف و كه‌رامه‌تێ هه‌لدگریت ل رۆژا ١٩٦٢/٥/٢٠ ته‌ڤلی رێزێن پێشمه‌رگه‌یێ كوردستانی دبیت و دبیته پێشمه‌رگه، دبیته ئێك ژ ته‌مامكه‌را به‌رده‌وامیدان ب پره‌نسیپێن راسته‌قینه یێن رێبازا بارزانیێ نه‌مر مل ب ملێ بابێ خوه‌ڤه دگه‌ل هژماره‌كا پێشمه‌رگه‌یێ كوردستانێ قه‌ستا به‌رۆكێن ئه‌نیا شه‌ڕ دكه‌ن، د چه‌ند شه‌ڕ و داستانێن مێژوویێ دا پشكدار دبیت، مینا شه‌ڕێ ڕۆژانێن درێژێن داستانا خواكۆرك ل سالا ١٩٨٨ داستانه‌كا پڕی قه‌هره‌مانی و وێره‌كانه بوو دوژمن و رژێما به‌عس نه‌چار دكه‌ت به‌رۆكێن ئه‌نییا شه‌ڕ بجه دهێلن و شكه‌ستن و زیانێن مه‌زن ل پاش خوه دهێلن و دره‌ڤن، داستانا خواكورك و زۆزۆك و هندرین و سه‌فین ئێك ژ سمبوولێن به‌رده‌وامیدانا به‌رهه‌مێ شۆرشا ٢٦ گولانا پێشكه‌فتنخواز ل سالا ١٩٧٦ هه‌تا ل دوایێ یا ده‌سپێكرنا هه‌وا ئه‌نفالێن ره‌ش دژی گه‌لێ كوردستانێ ل سالا ١٩٨٨ پشتی راوه‌ستاندنا شه‌ڕێ و ئیراقێ و ئیرانێ ژ ئالیێ رژێما به‌عسێن فاشست ڤه هاتی كرن.
ل داویێ هه‌تا پشتی سه‌رهلدانا جه‌ماوه‌ریا گه‌لێ كوردستانێ ل بهارا سالا ١٩٩١ سه‌رۆك مه‌سعود بارزانی ب سه‌رپه‌رشتیا سه‌ركردایه‌تیا به‌ره‌یێ كوردستانی دامه‌زراند پشكدارێا گشت ئالیێن سیاسیێن كوردی به‌رده‌وام ته‌ڤلی هێزێن پێشمه‌رگه‌یێ كوردستانێ دبیت، ل وی سه‌رده‌می ژ دویر و نێزیك هایداری ره‌وشا سیاسیێ یا هه‌رێمێ دبیت.
ل ڤێرێ ب گۆره‌ی ڤی بابه‌تی من نه‌ڤێت زێده‌تر درێژ ببیت بتنێ مه شیایه چه‌ند رێزكه‌كاندا وه‌ك وه‌فاداریه‌ك بۆ رێزگرتن (٦٢) سالیادا پری خه‌بات و تێكۆشین و سه‌روه‌ریێ و پێشمه‌رگاتیا سه‌رۆك بارزانی دوپات دكه‌ینه‌ڤه و بۆ بیرئانین، مێژوو دیده‌ڤانه ل ڤێ داویێ ژی سه‌رۆك بارزانی سه‌رپه‌رشتیا مێحوه‌ر و به‌رۆكێن ئه‌نیا شه‌ڕ دكر رۆمالێن سه‌ركه‌فتنا پێشمه‌رگه‌ى ل سه‌ر گه‌ف و ئێرشێن رێكخراوا تیرۆرستیا داعش و چه‌كدارێن حه‌شدا شه‌عبی و سۆپایێ ئیراقێ تۆماركرنا چه‌ند داستانه‌كێن مێژوویێ و داستانا سحێلا و مه‌حموودیه و پردێ ره‌نگڤه‌دانا خوه‌یا ئه‌رینی ل سه‌ر رایا گشتی و جڤاكا جیهانیێ و نیڤده‌وله‌تی هه‌بوو.
سه‌رۆك مه‌سعود بارزانی ب وێ تێگه‌هشتن و فه‌لسه‌فا خوه‌یا سیاسیێ و ئایدولوژی و جڤاكی هزر و بیر و باوه‌رێن خوه ژ په‌روه‌رده‌یا رێبازا بارزانیێ نه‌مر وه‌رگرتی جڤاكا كوردی دوپاتكرنا ئێكرێزیا كوردان بریه و ب زمانێ سه‌رده‌می پێ ئاگه‌هه چاوا هه‌ماهه‌نگیێ د ناڤبه‌را سیسته‌مێ جڤاكا جیهانی ب دبلۆماسیه‌تا نوی ب گفتوگۆیێ و دانوستاندنێن هه‌ڤپشك و یێن ئاشتیانه دیراسه‌تكرن و په‌یروكرنا داخوازیێن ماف و چاره‌نڤیسێ گه‌لێ كوردستانێ به‌رده‌وام دوپات دكه‌ت.
رێفراندۆما سه‌ربخوه‌یا گه‌لێ كوردستانێ ئه‌وا ل ٢٥ ئیلۆنێ ل سالا ٢٠١٧ هاتی ئه‌نجامدان ب حه‌ز و رازمه‌ندیا خه‌لكێ كوردستانێ و سه‌رۆك بارزانی هه‌تا نها ژی د ڤی ته‌مه‌نێ خوه‌یێ گونجایێ دا ناسناڤێ پێشمه‌رگاێه‌تیێ لسه‌ر خوه دوپات دكه‌ته‌ڤه، هه‌ر دبێژیت ئه‌ز پێشمه‌رگه‌مه ئه‌م ژی ب هه‌ڤرا دبێژین ل ڤێ (٦٢) سالرۆژا دا پڕی خه‌بات و تێكۆشین و پێشمه‌رگایه‌تیێ یا سه‌رۆك بارزانی ل ته و گه‌لێ كوردستانێ پیرۆزبیت.
