٧٠% کەلوپەلێن خوارنێ ل ئیرانێ گران بووینە
ئەڤرۆ نیۆز:
کۆمەکا پەرلەمانتارێن ئیرانێ ئەڤرۆ د داخۆیانیەکێ دا دیار کرن کو رەوشا ژیانا وەلاتیان رۆژ ب رۆژێ خرابتر لێ دهێت و دەولەتێ ژی هەتا نها چو بەرنامە بۆ باشترکرنا ژیانا وەلاتیان نینە و پشتی کو ئەمریکا سزایێن نوو ل سەر ئیرانێ سەپاندینە هەتا نها بهایێ کەلوپەلێن سەرەکی یێن خوارنێ ل ئیرانێ ٧٠% گران بووینە.
ل ئالیێ دی ل گۆر ئامارەکا وەزارەتا بازرگانی یا ئیرانێ بهایێ خوارنێن سەرەکی یێن وەکو گوشت، برنج و سپیاتی و خوارنێن دی ل ئیرانێ ب رێژا ٧٠ هەتا ٨٠% گران بووینە و گەلەک ژ وەلاتی نها نەشێن ڤان تشتان بکڕن و ژ بەر هندێ ژی هەکە دەولەت دەستێوەردانێ نەکەت دێ رەوش خرابتر لێ هێت.