٨٥٢ دۆنەمێن ئەردێ ئاكرێ ب بەرهەمێ كونجیان هاتیە خەملاندن
سولین سلێمان
دەڤەرا ئاكرێ یا دەولەمەندە ب چەندین بەرهەمێن خومالی، ژبەر ئاخا وێ یا ب پیت و رەوشا كەش و هەوایێ وێ، بوویە ئەگەرێ چاندنا چەندین بەرهەمێن كشتوكالی، ژ وان ژی چاندنا بەرهەمێ كونجیان كۆ سال ب سال زێدەتر دبیت، هەروەسا ئەگەرێ زێدەبوونا بەرەهەمێن كونجیێن ئاكرێ ئەوە كۆ ، نۆكەدا خواستا وەلاتیان ل سەر بەرهەمێن خومالیە زێدەتر ە و كەش و هەوایێ دەڤەرا ئاكرێ ژی ژبۆ ڤی بەرهەمی یێ گونجایە.
فازل مستەفا رێڤەبەرێ چاندنا ئاكرێ بۆ رۆژناما ئەڤرۆ گۆت: بەرهەمێ كونجیێن مە د سالا بوریدا ب رێژا سەدا 77 زێدەبوویە و د وێ زێدەبونێژیدا یا بەردەوامە و گۆت: ئەگەرێن زێدەبونا بەرهەمێن كونجیا ژ بۆ چەند ئەگەرەكان ڤەدگەریت، ئەو ژی چونكی خواستەكا زۆرا وەلاتیان ل سەر بەرهەمێ كونجیان هەیە و ژلایەكێ دویڤە ژی خەلك زێدەتر حەز ل سەر بەرهەمێن خومالی هەنە، ژبلی وێ ڤێ یەكێ كارگەهێن دروستكرنا تەحینێ ژی زێدەكرینە، چونكو دەڤەرا ئاكرێ ب تەحینێ كۆ ب تاما وێیا خوش و سروشتی ناڤ و دەنگەكێ زۆر ل هەموو كوردستانێ هەیە.
لدۆر زانیاریێن رێڤەبەرێ چاندنا ئاكرێ، ل سالا پار ٨٥٢ دونەمەێن ئەردی ب بەرهەمێ كونجیا هاتیە چاندن، د دەمەكیدا ل سالا بەری نۆكە ٤١٣ دۆنەم كونجی هاتبوونە چاندن، هەروە ل سالا ٢٠٢٣ی ٧٢ تۆن كونجی ئاكرێ هاتیە چاندن و د بەرهەمدار بووینە.
