٨ کەسایەتیێن سەرکەفتی بەری نڤستنێ چ دکەن؟
ئەڤرۆ نیوز:
گه‌له‌ك كه‌س هه‌نه دبێژن خه‌وا وان یا نه‌رێكخستییه و گه‌له‌ك كارێن رۆژانه‌ی یێن ژیانێ ل سه‌ر حسێبا خه‌وێ دكه‌ن و خه‌وا خوه كێم دكه‌ن و تێرخه‌و نابن، لێ كه‌سایه‌تیێن سه‌ركه‌فتی و ناڤدار یێن جیهانێ سه‌ره‌رای مژوولییا وان یا زێده ب ڤی ره‌نگی به‌حسێ وان تشتان دكه‌ن یێن ئێكسه‌ر به‌ری نڤستنا خوه دكه‌ن:
١- بیل گەیتس، دامەزرینەرێ مایکرۆسۆفتێ و زەنگینترین کەسێ جیھانێ، ھەرشەڤ بەری بنڤیت پەرتووکەکێ دخوینیت، گەیتس دبێژیت بشەڤ چەند درەنگ بیت ژی، ئەو بۆ ئێک دەمژمێر پەرتووکەکی دخوینیت، بڤی رەنگی حەفتیێ پەرتووکەکێ بدوماھی دئینیت.
٢- شێریل ساندبرگ، سەرۆکا بجھئینەر یا کارێن فەیسبۆکێ، ھەرشەڤ ل دەمێ دیارکری یێ نڤستنێ ئەو مۆبایلا خوە دگریت، دا مژوول نەبیت و نەھێتە بێزارکرن.
٣- ئاریانا ھافینگتۆن، دامەزرێنەر و سەرنڤیسەرا بەرێ یا ھافینگتۆن پۆست دیار کر: ئەو ھەمی ئامیرێن ئەلکترۆنی ل دەردۆرا خوە دڤەمرینیت و سەرێ خوە ب ئاڤەکا گەرم دشۆت و پەرتۆکەکی دخوینیت پاشی دنڤیت.
٤- ئۆپرا وینفری، کو ناڤدارترین پێشکێشکارە و ژ زەنگینترین ژنێن جیھانێ یە، بەری بنڤیت بێھندانەکێ ددەتە مێشکێ خوە برێییا ھزرێن پاقژ و روحی و ئارامکەر.
٥- گوینێس پالترۆ، ئەکتەرا بەرنیاسا ھۆلیوۆدێ و دامەزرێنەرا مارکا (لایف ستایل) دبێژیت: گرنگییا ئەو ب خوارن و پاقژیێ ددەت ب خەوێ ژی ددەت، ژ دەمژمێر ٨:٠٠ شەڤێ ھەتا ٨:٠٠ سپێدێ یا برۆژییە. ناڤھاتی مەساجەکا سەری یان پێیان ژی ب تشتەکێ بمفا و بێھنفرەھکەر دبینیت.
٦- ئێلۆن مەسک، رێڤەبەرێ (SpaceX) و (Tesla) ڤەخوارنێن کافایین تێدا مینا قەھوێ و ڤەخوارنێن دی مینا چایێ حەفت دەمژمێران بەری خەوێ ناڤەخوەت، ھەروەسا دەمژمێرا دووڤچوونا خەوێ بکاردئینیت، ب وی رێیێ بۆ مرۆڤی دیاردبیت مرۆڤ چەند دەمژمێران نڤستییە و چەند دەمژێران د ناڤ جھێن خوە دا یێ ھشیار بوویە، ئاستێ لێدانێن دلێ تە، و خەوا تە یا کوور چەند بوو.
٧- ستیفن گینگ، نڤیسەرێ ناڤدارترین رۆمانێن (بترس) خویا کر: ئەز بەری بنڤم ددانێنت خوە دەستێن خوە دشووم، نزا بۆچی ئەز دەستێن خوە دشووم لێ ھەر دشووم بەری بنڤم.
٨- کێنێس چێنۆلت، سەرۆکێ ئێک ژ مەزنترین کۆمپانییا دارایی (ئەمریکا ئێکسپرێس) دیار دکەت: ئەو بەری بنڤیت لیستەکێ چێدکەت بۆ سێ کارێن کو پێدڤییە ئەو ل رۆژا پاشتر بجھبینیت.