پارادۆكس

پارادۆكس

26

سالح دوسكی

هەمی بەربەركێن مەغرەبیان، دەمێ‌ ژ كارێ‌ خۆ ماندی ڤەدگەڕیت، ئێكسەر قەستا نڤینا خۆ دكەت دا بنڤیت، خۆ ناگەهیت جلكێن خۆ ژی بگوهۆڕیت، رۆژا دیتر، هێشتا رۆناهیێ‌ باژێر باش ڤەنەگرتی، ب لەز وبەز، هندەك نانێ‌ «تۆست» وجاران هندەك پسكێتكێن رەق و هشك دگەل فنجانەكا هندی دو پەرداخان مەزن تژی قەهوە دكەتە تێشت، ب ئاوایەكی (نیڤ غاردانی) قەستا ئێستگەهێ‌ ترێنێ‌ دكەت، رێكا دەمژمێر و نیڤەكێ‌ دبڕیت هەتا دگەهیت سەر كارێ‌ خۆ، دەست ب پاقژكرنا ئامرەتێن وێ‌ كارگەها زەبەللەحا ئەلمانی دكەت، و ئەڤ حالە رۆژانە ژبلی رۆژێن شەمبی وئێكشەمبیان دوبارە دبیت. دسەر هندێ‌ را هەمی كەسوكارێن وی دبێژن: خۆزیكێن وی، یێ‌ ژ دەرڤەیە، «مرتاحە» هایی ژ بایێ‌ فەلكێ‌ و ئەڤ قەیرانێن ئەم تێدا دژین نینە.!