پارتا کـۆمـاری هـۆشداریێ ددەتە ئەردۆغـانی
ئۆزگور ئۆزەل سەرۆکێ گشتی یێ پارتا کۆماریا گەل دیار کر، سیاسەتا دانانا قەیوومان ل تورکیا دێ ئەنجامێن خوە یێن گەلەک خراب بۆ پاشەرۆژا تورکیا هەبیت، ئەردۆغان ب دانانا قەیوومان بەر ب دکتاتوریێ ڤە دچیت و ئەو یەک ژی دێ کاریگەریا خوە یا خراب ل پاشەرۆژا تورکیا کەت، هەکە دێ قەیوومان دانێن پا هەلبژارتن بۆچی دهێنە کرن؟ هەکە دێ رێزێ ل ئیرادە و دەنگێ خەلکی نەگرن بۆچی دبێژنە خەلکی دەنگێ خوە بدەن.
سەرۆکێ گشتی یێ پارتا کۆماریا گەل ئەو یەک ژی دیار کر، سیاسەتا قەیوومان د چەند سالێن بۆری دا زیانەکا خوە یا گەلەک مەزن بۆ تورکیا هەبوویە و زیان گەهشتیە ئاکپارتیێ ژی، ژ بەر ڤێ یەکێ دڤێت ئەردۆغان و دەستهەلاتا وی دەست ژ سیاسەتا قەیوومان بەردەن و رێزێ ل دەنگێ خەلکی بگرن، بەردەوامیا سیاسەتا قەیوومان دێ تورکیا بەر ب چارەنڤیسەکێ نەدیار ڤە بەت.
