پارتى و ئێكهتى دێ شێن وهكو ترامپ بن؟
ل دهستپێكا دهستبكاربوونا سهرۆكێ تازه یێ ئهمریكا (دۆنالد ترامپ). سهرنجا گهلهك كهسان ژ چاڤدێر و شرۆڤهكارێن سیاسى بۆ لایێ خوه راكێشا، ئهو ژى ژ بهر وان وهرچهرخانێن مهزن ژ بریارێن گرنگ و بوێر یێن كو وهرگرتین ژ بۆى ڤهگهراندنا ههڤسهنگیێ و سهقامگیرى یا سیاسى د سیستهمێ سیاسى یى َ ئهمریكا دا. یا ئاشكهرا بوو كو ئهڤ ههڤسهنكى یه هاتبوو تێكدان و شێلان ژ ئهنجامێ وێ ئهدائا خراپ یا رێڤهبهریا ههردو پارتێن (كۆمارى و دیمۆكرات)، كو نهشیان وهكو پێدڤى سیاسهتێ بكهن د سیستهمێ سیاسى دا، كو دو پارتێن جودا بوون د هزر و ئاراستهیێن خوه دا، دیسا ئاراستهیێن خوه گوهۆرین بۆ جهمسهرگێریا پارتاتیێ و د ئهنجام دا كێشه و ئالۆزیێن وان رۆژ بۆ رۆژێ زۆربوون. ئێدى ئهمریكا ژى نهشیا وهكو بهرێ ببیته سۆپهر پاوهر و سهركێشى یا سیاسهتا جیهانێ بكهت و ب تایبهتى ژى ل رۆژههلاتا ناڤهراست، لهوما ل شهرێ عیراقێ ژى شسكهستن ئینا و ههتا ئهڤرۆ ژى وهكو ماسیا گێژ نهشێت خوه ژ تۆرا ڤى شهرى قورتال بكهت، د ئهڤرۆ دا بریارا (ڤهگوهاستنا دهستههلاتێ ژ واشنتن بۆ گهلێ ئهمریكا)، واته (ترامپى)، ل بهره ئاراستهیا پرۆسێسا سیاسى ل ئهمریكا راستڤه بكهت و رزگار بكهت ژ ململانێ و ركابهریا پارتایهتى یا بێ تام ئهوا د ناڤبهرا ههردو پارتێن (كۆمارى و دیمۆكرات) دا پهیدابووى و ئاراستهیا وێ بگوهۆریت بۆ بهرژهوهندیا گشتى یا گهل و وهلاتى، دا كو بشێت هێز و ههیبهتا ئهمریكا ئهوا ل سهدێ بیستێ ههیى بۆ بزڤرینیتهڤه. ئهڤرۆ ل ههرێما كوردستانێ ژى كهلێ كورد ههمان دهرد و ئێش یا ههى، ههكه (پارتى و ئێكهتى) وهكو دو پارتێن تهماكهرێن ئێكتر وه ئیرادهیهكا ب هێز ههبیت دێ فایدهى ژ پێنگاڤێن ( ترامپى ) بینن ههكه بریارێن بوێرهك و گران وهربگرن دێ شێن ب ساناهى سیستهمێ سیاسى یێ ههرێما كوردستانێ راستڤهكهن و چارهسهركهن. ب تایبهتى پشتى كو (سهرۆك بارزانى) پهیاما خوه ئاراستهى ههموو لایهنێن سیاسى كرى. ئهڤرۆ خهلكێ كوردستانێ چاڤهرى یه كو رێككهفتنا ستراتیجى تازه بكهنهڤه ل سهر هندهك بنهمایێن تازه، یانژى رێككهڤتنهكا دى یا تازه ئیمزابكهن كو د بهژوهندیا خهلكێ كوردستانێ دا بیت و مللهتێ خوه ژ ڤێ جهمسهرگیرى یا پارتایهتى یا كاره ساتبار قورتال بكهن. ب باوهرا من ههكه ئێكهتى ل گهل ههموو پارتێن كوردستانێ رێكبكهڤیت بێى پارتى، چو كاریگهریهكێ ل سهر گوهۆرینان ناكهت، دیسا بۆ پارتى ژى ههر ئهڤ گۆتنه راسته و یا ئاشكهرا بوو ل قووناغا ژێكدووركهفتنا (پارتى و ئێكهتى) خهلكێ كوردستانێ چهند زیانمهند بوو ! و ژ لایى دی ڤه پرۆسێسا سیاسى چهند هاته شلقاندن و لهنگبوو! ئهنجامێ وێ ژى بوونه ئهو ژینگهها سیاسى یا ئالۆز یا كو بزاڤا گۆران پهیداكرى ل دهڤهرا سلێمانیێ كو ب شهڤ و رۆژهكان و بهرنامه و پیلانێن وان بوونه لێدان و ژ ناڤبرنا رێككهڤتنا ستراتیجى ئهوا د ناڤبهرا (پاتى و ئێكهتى) یێ دا و ههتا راددهیهكێ زۆر ژى د مفاداربوون ژ ڤان پیلانان ب تایبهتى د پرۆسێسا راكێشانا جهماوهرێ ئێكهتیێ و خهلكێ تۆره بوو ناڤ رێخستنێن خوه دا و ههتا ئهڤرۆ ژى بزاڤا گۆڕان ب ههموو عهقلێ خوه، خوه ب خودانێ جهماوهرێ ئێكهتیێ دزانیت ل ههموو كوردستانێ و دبێژیت ئهڤ جهماوهرێ مایى ژى یێ چوویه ل گهل (پهكهكێ) و ههر بۆ ڤێ مهرهمێ ژى نهوشێروانى قوتابخانهك ئاڤاكر و سنێله تێدا فێركرن ل سهر هزر و تێگههێن پۆپۆلستى و فهلسهفا سیاسهتا شكاندن و سڤكاتى پێكرن و رهزیلكرنا یێ بهرانبهر و ئارمانج ژى پرتكرن و زهعیفكرن و ههلوهشاندنا ئێكهتى یێ بوو، ههروهسا دژایهتیكرنا پارتى و دیسا كاركر بۆ ههلوهشاندنا حوكمهتا ههرێما كوردستانێ ژى. د ئهنجامدا بوو ئهگهرێ ب هێزبوون و بالادهستى یا بزاڤا گۆران ل وێ دهڤهرێ و ههتا ئهڤرۆ ژى ب شانازیڤه ههموو بزاڤا پیلانان ددانن كو كوردستانێ دابهشبكهت و پارێزگهها سلێمانیێ و گهرمیان و كهركووكێ ڤهگهرینیته ب سهر بهغدا ڤه و كوردستانێ ژ چار پارچان بكهته پێنچ پارچه. لهورا ئهڤرۆ ژى روودان ب لهزن و ل كوردستانێ ژى ئاراسته و ئارمانجا پرۆسێسا سیاسى یا بهرزهبووى و نهیا دیاره. بۆ چارهسهریێ ژى پێدڤى ب بریارێن بوێره و هێزێ ههیه و (كورد ژى دبێژن: هێز عللهتێ دبڕیت). ئهرێ ب رێككهڤتن یان ژى ب ئێخسیربوونا (پارتى و ئێكهتى) دێ نهیارێن وان دستى ژ وان بهردهن؟ بهرسڤ نهخێر: چونكو: 1ـ ههر چى دزى و گهندهلى و خهیانهت و بێریزى یا ئهكرادێن مالكى بهرامبهر ڤى مللهتى كرین دا بڤهشێرن و بۆ وان بمینیت.2ـ كوردایهتى یا بهرهیێ دژه سهربهخوهیا كوردستانێ ل سهر پشتا كێموكاسیێن (پارتى و ئێكهتى) داكو بشێن كورسیهكێ بۆخوه زێدهبكهن. 3ـ بهرهیێ دژى سهربخوهیێ ب چو تشتهكى رازى نابن و باوهر ناكهن، ههكه پارتى و ئێكهتى بۆ وان دوعا ژى ژ خودى بكهن. دیسا ب كوردى ب كورتى ئهو هێزا كو خاك و گهلێ كوردستانێ پێ بهێته پاراستن و پێدڤى پێ ههیى، هێزا (پارتى و ئێكهتى) یه، گرۆڤه ژى ل سهر ڤێ چهندێ .. ب ئێكرێزى یا هێزا پێشمهركهیێ كوردستانێ كو پێكدێت ژ هێزا لهشكرى یا ڤان ههردو پارتێن سهرهكى. گهلهك ب ساناهى ههیبهت و هێزا (داعش) شكاند و ههرفاند. لهورا ئهڤرۆ بهرى سوباهى گهلێ كوردستانێ د ڤێ قووناغێ دا چاڤهرێى ڤان دو هێزین سهرهكى یه و پێدڤى یه بریارێن بوێرانه و گران وهربگرن ل گهل هێزین نیشتمانپهروهر، بۆ ڤهگهراندنا هێزا جاران بۆ ههرێما كوردستانێ و دیسا بۆ راستڤهكرنا ئاراستهیا پرۆسێسا سیاسیا كوردستانێ و ب دهستڤهئینانا ژیانهكا بهختهوهر و ئاسۆده بۆ مللهتێ كورد و ههروهسا بۆ موكومكرنا بهرێ بنواشێ دیوارێ ئاڤاكرنا دهولهتا كوردى.
