پارتى و دیرۆكهكا پڕى سهروهرى
بهرى حهفتێ سالان، ئانكو (16/8/1946) پارتى دیموكراتى كوردستان ب پێشنیارا بابێ نهمر (مستهفا بارزانى) هاتیه دامهزراندن، پارتى ل دهستپێكا دامهزراندنێ وهكو پارتهكا دیموكراتى و پێشكهفتنخواز د ناڤا جڤاكێ كوردستانێ دا خوه دا نیاسین، ههروهسا باشترین كار و بهرنامێ پارتى ئهو بوو كو هزرا نهتهوایهتى و وهلاتپهروهریێ ل جهم خهلكێ كوردستانێ پهیدا بكهت و بهلاڤ ژی كر و خهلك ئاراسته كر بۆ ناڤا شۆرهشێ و ئاماده كر بۆ خهبات و قوربانیدانێ د ناڤا پارتهكا رێكخستى و رێك و پێك و مونهزهم دا و دوور ژ پهرش و بهلاڤبوونێ، ههروهسا ئارمانجهكا دیاركرى نیشا مرۆڤێ كورد دا ئهو ژى ئازادكرنا خهلك و خاكێ كوردستانێ یه، ههروهسا پارتى شیا د كوردستانێ دا بزاڤا شۆرهشێ ژ ناوچهگهریێ بگهۆریت و بكهته سهرانسهرى، دیسان شیا ناڤێ پێشمهرگهى بێخیته د ناڤا فهرههنگا كوردى دا.
پارتى شۆرهشهكا مهزن و ههڤچهرخ دهست پێ كر ل سالا (1961) و ب سهركهفت و ههر ئهڤه ژى بوو ئهگهر كو پارتى شیا رژێما بهغدا ل وى سهردهمى تهنگاڤ بكهت و نهچار بكهت كو ب فهرمى دانپێدانێ ب مافێن مللهتێ كورد بكهت و د ئهنجام دا رێككهفتناما (11) ئادارێ ل سالا 1970 یا ئۆتۆنۆمی ل گهل سهركردایهتى یا شۆرهشێ ئیمزا بكهت و ماوێ چار سالا پشكدار بوو د دهستههلاتێ دا ل بهغدا، یا ئاشكرایه كو ناسنامه و ستراتیجیهتا ههر پارتهكا سیاسى د خودیكا پهیره و پرۆگرامێ وێ پارتێ دا دیاره و پهیره و پرۆگرام ژى ڤهرێژا مشێك و بیرو بۆچوون و هزرا كونگرسمانا و كۆنگرایه، د ناڤا ههموو پهیرهو پرۆگرامێن پارتى دا ئهوێن ژ كۆنگرا دهردكهڤن ئاماژێ ددهنه سهوابتا واته باوهرى ب دهستههلاتا دیموكراسى یا جهماوهرى ههیه، دیسان بنهمایێن هزرێن پارتى یهكسانه ب جوداكرنا دهسههلات و مافێن مرۆڤى و دادپهروهرى یا جڤاكى، ههروهسا یا ئاشكرایه كو نهمر (مستهفا بارزانی) رۆلهكێ مهزن و كاریگهر ههبوو د دانان و دارێشتنا وان بنهمایێن هزرى و فهلسهفى یێن د ناڤا پارتى دا ئهو ژى گهۆرین ب سهردا دهاتن ب گهۆرینا ههر قووناغهكێ و ل دووڤ بارودوخێ ههر سهردهمهكێ كوردستان تێدا دهرباز دبوو ژ روویێ جڤاكی و ئابوورى و كهلتورى ڤه.
لهورا دیتن و هزر و فهلسهفا پارتى دیموكراتى كوردستان بۆ دهستههلاتێ ژى واته بۆ سیستهمێ سیاسى ژى دیموكراسیهتا رههایه، یان ژى خواندنا پارتى بۆ دهسههلاتداریێ ب وى رهنگى یه یێ كو تاكێ كورد یێ رازى بیت و مافى تاكێ كورد یێ گهرهنتى كرى بیت د زۆربهیا وارێن ژیانێ دا، بێگومان د قووناغێن دهستپێكێ دا ب تنێ پارتى دهستههلاتا رهها ل كوردستانێ ههبوو، لێ سهرهراى ڤێ ژى د ناڤا ئورگانێن پارتى ب خوه ژى دا هزر و بۆچوونێن جودا ههبوون، ئهڤه ژى وێ واتایێ دگههینیت كو د ناڤا ژیانا سیاسى یا پارتى دا دیموكراسیهتهكا ساخلهم یا ههى، راسته پارتى ب درێژاهیا قووناغێن خهباتا خوه ب چهكدارى و شۆرهشێ بۆراندینه و زۆربهیا مافێن مللهتان و دهستههڵاتان ب رێكا شۆرهشان دهێنه وهرگرتن و شۆرهش ژى هندهك جارا ژبهر ململانێ تاك لایهن د ناڤ دا پهیدا دبن، لێ ل قووناغێن دهستپێكێ و ئهو شۆرهشێن پارتى پێ رابووى و قوربانى ژێرا داى د بهرژهوهندا خهلكێ كوردستانێ دا بوویه و هیچ ئاریشهك د ناڤبهرا جهماوهرى و دهستههلاتا پارتى دا نهبوو و ئهڤرۆ ژى و ل ڤێ قووناغێ پارتى باوهرى ب دهست و دهستكرنا دهستههلاتێ ههیه ل سهر پیڤهرێ ههلبژارتنا ب رێكا سندۆقێن دهنگدانێ.
هزرا پارتى بۆ گههشتنا دهستههلاتێ ل سهر پێشكێشكرنا پرۆژایه بۆ وهلاتى و خزمهتكرنێ یه و پاشى دانانا پلان و ستراتیجیهتهكا موكم و دیسان بهرنامێ كارى ههیه بۆ ئهنجامدانا وان پرۆژان، ههروهسا بهرنامه ههیه بۆ گهشهپێدانا سیاسى و ئابوورى و جڤاكی و ئاسایشێ و كهلتورى، لێ دهستههلاتا ئهڤرۆ ل وهلاتێ مه یا د قووناغهكا ئالۆز و ههستیار دا دهرباز دبیت و تهحهدیات و ئاستهنگێن مهزنێن ههرێمى و ناڤخۆیى و دهرهكى د رێ دانه و زۆربهیا جاران دهستههلات دكهڤیته د پاشڤه زڤرینێ دا، لهوما هندهك جاران دهرز دكهڤیته د ناڤبهرا وهلاتیان و دهستههلاتێ دا، پارتى دیموكراتى كوردستان ب درێژاهیا ژیانا خوه یا سیاسى گوتارهكا ئاشكرا ههیه و هیچ جارهكێ كاروانێ خهباتا خوه نهئێخستیه بهراهیا ئاراستهیا قووناغ و روودانان، بهلكو ل گهل ههموو ئاراستان كاروانێ خهباتێ هاژووتیه و بهردهوامى دایێ، دیسان پارتى د ناڤا جهماوهرێ كوردستانێ دا یا ناڤداره ب ئهو سۆزێن ددهت دووڤچوونێ ل سهر دكهت و بجه دئینیت، ژبهر راستگۆیا پارتى و سیاسهتا حهكیمانهیا سهرۆك بارزانى ئهڤرۆ كوردستان بوویه توخمهكێ سهرهكى د ههڤكێشێن سیاسیێن ئهقلیمى و نیڤدهولهتى دا و دیسان بوویه لایهنهكێ گرنگ و كاریگهرێ ههڤپهیمانى یا نیڤدهولهتى یا شهرێ دژى دهولهتا تیرۆرستى یا ب ناڤێ داعش.
