پارتی بوویه پێشهنگا خهباتا خوهگهنجكرنێ
زهنون سلێڤانهی
پارتی دیمۆكراتی كوردستان ب درێژاهیا ژیێ خوهیێ 73 سالیێ دهربازدبیت و بهستن و گرێدانا 13َ كۆنگرهیێن جودا ل پاش خوه هێلایه، ههر ئێك ب رهنگهكی د هزر و فهلسهفا تێگههشتن و سیاسهتا خوهدا، پهیرهوكریه دارشتنا پهیرهو پرۆگرامێ خوهیێ ناڤخوه و پهیرهوكرنا رێخستنهكا پیلایێ ل سهر بنهمایێن ههستا نهتهوهیی و پشكداریا پێكهاتێن جڤاكی د قووناغێن سهخت و دهراڤێن بهرتهنگ دا، بهێزكرنا پێگههێن خوهیێ جهماوهری و پێگههاندنا كادر و لاێهنگرێن خوه د ناڤا ئهرك و بهرپرسیارهتیێ دا، چ د خهباتا خوهیا سیاسی و لهشكری و ئابووری دا و .. هتد؟ ل بهرامبهر وان ئاستهنگ و ئالۆزیێن خستینه د رێیا بزاڤا ئازدایخوازا كوردی دا ژ ئالیێن رژێمێن ل دووڤ ئێك هاتین و گهلێ كورد بهردهوام تووشی ستهم و نههامهتیا ڤان رژێمێن داگێركهران بوویه.
ههلبهت پارتی دیمۆكراتی كوردستان د قووناغێن سهخت و دهراڤێن بهرتهنگ دا بوویه پێشهنگێ كوردایهتیێ و خهباتا سیاسی و چهكداری ب سهركێشیا سهركردێ نهتهوهیێ بارزانیێ نهمر، شیایه ببیته ئێكهم پارتیهكا پرێ خودان سهروهری و قوربانیدان و شۆرهش و داستان ل دووڤ ئێك تۆماركرینه چ ب ئاشتی و یان شهر ل بهر سینگرتنا گهف و ئێرشێن دوژمنان و رژێمێ نهچار بكهت و دانپێانێ ب مافێن رهوا یێن چارهنڤیساز و پاشهرۆژا گهلێ كوردستانێ بكهت.
بهلێ ههكه ئهم ل مێژوویا خهباتا پارتی بنێرین دێ پری ئارمانج و دهستكهڤتیێن خوهین مێژووی ژێ دبینن و ئهڤه هێڤێنێ وێ رهنج و خهباتا پێشمهرگهیێ قههرهمان و گهلێ كوردستانێ ڤهدگهریت بۆ وێ ههلویستێ سهركردهیێ ئاشتیخواز و سهرۆكێ هێژا مهسعود بارزانی ژبۆ هندێ یه دستوور و قانوون و دادپهروهری سهقامگیر بیت پهیروهكرنا پرۆسیسا دیمۆكراسیێ و ههلبژارتن و راپرسیێ ماف و ئارمانجێن گهلێ مه بهرقراربیت بۆ ههر قووناغهكا داهاتی.
سهبارهت ژ یا ههمیێ گرنكتره ئهوه ببیته رێخۆشكهرهك بۆ وان كادرێن گهنج و خودانشیان ههر ژسهركردایهتیێ بگره كو ههتا دگههیته ناڤ لق و لیژنه و رێخراوێن پارتی دا ببنه كادرێن مهیدانی و د ناڤا پێگههێن جهماوهری دا بهرهوام ههست ب وێ ئهرك و بهرپرسیارهتیێ دا بكهن، چونكو جڤاكی پێدڤی ب ههوه ههیه و پشكداریێ د خۆشی و نهخۆشیێن خهلكێ خوهدا بكهن و گوهداریكرنا كێشه و گلهوگازندێن ڤی خهلكێ بكهن.
لهورا ههیا نها ژی پارتێ د وی تهمهنێ خوهیێ 73 سالیێ دا ژ ههمی پارت و ئالیێن دنژی كهڤنتره یێ بوویه تێگههێ بهردهوامیدانا خوهگهنجكرنێ د ناڤا ئهرك و بهرپرسیارهتیێ دا و زێدهتر خوه ب قهدارێن ئارمانج و مافێن رهوایێن گهلێ كورد و كوردستانیان دزانیت كاركرن بۆ سهرخستنا پرۆژهیێ پێڤاژۆیا ئاشتیێ و بانگهوازیكرن ل ههمی پارت و ئالیێن دیێن سیاسی ل كوردستانێ و پشكداریێ بكهن د ئاڤاكرنا دهستههلاتێ دا خودان پهرلهمان و حوكمهتا ههرێما كوردستانێ كاركرن و خهباتا چاكسازیێ و سهربخوهیێ مسۆگهر ببیت.
