پارتی دیموكراتی كوردستان پێ گوهۆڕ نینە
ديدار، سالار محةمةد دۆسكى:
2-2
هەمان پێشمەرگێ شورەشا ئیلونێ و گولانێ ئەو ژی گۆت: وەك پێشتر مە ئاماژە پێكری كو شورەشا ئیلونێ گەلەك رێكخستی تر بوو چەندین هوكار هەنە كو وێ شورەشێ جودا دكەن ژ ئەڤرۆ ، هەمی خەلكێ كوردستانێ شاهدە ئێك رەز یان بیستان یان قەصرەك (ملا مستەفا بارزانی) هەبوو و هەتا نوكە ژی تەحدایێ دكەم ئێك بێژیت ئەڤە قەصرا (ملا مستەفا بارزانی) یە ئێك قاتە یان دوو قاتە، بابێ من خودێ ژێ رازی (مەلا مستەفا بارزانی) ل شكەفتان دا مەزن بوو و هەر هەمی ژیانا خوە ب شورەش و بەرخودانێ ڤە بر و هەر تێر نان نە خوار و خوارنا وی ل گەل یا پێشمەرگەی بوو.
پێشمەرگێ هەر دو شورەشێن ئیلون و گولانێ، بەحسێ جوداهی یا بەرپرسێن پێشمەرگەی ل گەل پێشمەرگان دكەت و گۆت: چ جوداهی دناڤبەرا بەرپرس و پێشمەرگەی نەبوو هەر چ بیاڤ دا هەبان هەر هەمی وەك ئێك بوون خوارن ل گەل ئێك بوو و هەمیان نیسك و گرار دخوار و هەمیان چا ڤە دخوار و ل دووماهی یا شورەشا ئیلونێ ئێدی بارەگایێن پارتی دیموكراتی كوردستان ب فەرمی هاتنە ڤەكرن و ئەوا بخوە رێبەریا خوە كر و پێشتر وەك ئاماژە مە پێكری گەلەك خلكێ كوردستانێ هاریكار و پشتەڤانێ شورەشێ بوو ئەگەر ئێك ببا پێشمەرگە دا چیت بخوە تڤنەكێ كریت و چیتە گەل شورەشێ یان گەلەك جاران خەلكی چەك بۆ شورەشێ دكرە نە وەكی ڤێ گاڤێ بوو و هەتا دەسپێكا شورەشا ئیلونێ بێ مووچی بوو و ب حەزو ڤیانا خوە خەلكێ كوردستانێ دچوون بوونە پێشمەرگە و ل ڤێ دووماهیێ مووچە بۆ پێشمەرگەی هاتنە دابینكرن و ئەو ژی تشتەكێ كێم بوو و هەر پێشمەرگەی (10) دینار دانێ بیرا من دهێت سەر دەمێ (محەمەد حەسەن باجلوری) بەخشینا مە یا هەیڤانە (110) دینار بوون و مە نێزیكی (400) پێشمەرگەی هەبوون ، بەتلیونا چار یا ئیسنادا دهۆك و سەرپەرشتێ مە (عەلیێ خەلیل ) بوو و جێگرێ وی (عەبدوالرزاق گەرماڤی) بوو، وی دەمی (علیێ خەلیل) نە خەلكێ دەڤەرێ بوو بەلێ برێڤەبرنا دەڤەرێ گەلەك ب سەربلندی و دادپەروەری ب رێڤەدبر و ئەگەر نوكە ژی ئەو یێ ساخ با دا لاوتر دەڤەرێ ب رێڤەبەت ژ نوكە و یێ زیرەك و مو مخلص بوو و تشتێ هەرە گرنگ ل دەف ئەوان ئە بوو خیانەت نەدكر و مرۆڤێ پشست راست بوو و تشتێ مرۆڤی دڤێت و گرنگ كیێ موخلصە ئەو یا گرنگە و گەلەك جاران بەرپرس ل جهێ بەرپرسایەتی یا خوە خیانەتێ دكەت و ئەڤە بتنێ ل خوە ناكەت بەلكو ل گشت مللەتی دكەت.
هەمان پێشمەرگە گۆت: دڤێت هەمی ئومێد و هیڤی و بەرخودانا مە ل مللەتێ مە بیت چونكە ئەو كەسێ دچیتە جهێ بەرپرسایەتیێ ووینەرێ مللەتی یە و نابیت چاڤێ مە ل كەسان بیت كا كی چوو و كی دێ چیت وەك هەلبژارتنێن كوردستانێ دڤێت چاڤێ مە بتنێ لیستا پارتی دیموراتی كوردستان بیت، هەر گازندەك یان كێماسیەك ئەڤە مافەكێ سرۆشتی یە مرۆڤ بكەت و دیفچوونێ ل سەر بكەت لێ بلا خەلكێ وردستانێ ژ بیر نەكەت كێ ئەڤە كریە و كێ مللەتێ كورد گەهاندیە ئەڤرۆ و كێ خەبات و بەرخودان و خوین رێتی یە و كێ شەهید داینە و كی بوون ل شەرێ داعش بەرەڤانی ژ ئەڤی مللەتی دكر و دڤێت مرۆڤ پێداچوونێ د دیرۆكا مللەتێ كوردا بكەت خەلكێ كوردستانێ گەلەك قوربانی دان دایی گەلەك رەزالەت و ئیزا دیتی یە و گەلەك دەردە سەری دیتی یە گەلەك ئاوارەیی و كێمیابارانكرن و ئەنفال دیتی نە و دڤێت ئەڤە هەمی نەهێـە ژبیركرن دڤێت خیانەتێ ل خوینا شەهیدێن كوردستانێ نەهێتەكرن، پارتی دیموكراتی كوردستان پێ گوهور نینە و بلا بوومە پێ گوهرەكی بینن ژ ئەڤان مرۆڤان خەباتكەر و موخالصتر و نینە و ئەڤە ناهێتە بەرەوردكرن ل گەل كەسێن دی.
ل دور جوداهی یا شورەشا ئیلونێ لگەل گولانێ ژی ناڤبری گۆت: شورەشا ئیلونێ جەبهە بوو و شورەشا گولانێ پارتیزانی بوو و بێ بارەگایی بوو، ئەڤرۆ ڤێرێ و سوبە ل جهەكێ دی بوو.
هەمان پێشمەرگێ شورەشا ئیلون و گولانێ ئەو ژی گۆت: شورەشا گولانێ گەلەك دەسكەفت بۆ مللەتێ كورد ب دەست ڤە ئیناینە و ئەگرە شورەشا ئیلونێ نەبا شورەشا گولانێ نەبوو و دشێین بێژین شورەشا ئیلونێ بەرێ بنیاتی بۆ مللەتێ كورد دانا و دڤێت ئەڤە نەهێـە ژبیركرن و شەرێ ئیراق و ئیرانێ نەبوو و ئەڤە سەرا مللەتێ كورد هاتەكرن.
ل دور رۆژێن نەخوش دژیانا پێشمەرگێ هەر دو شورەشێن ئیلون و
گولانێ دا مام تاهر لیناڤایی، ناڤبری گۆت: نسكۆیا سالا 1975 گەلەك عاجزبووم، ئەز چ جاران بۆ بەرپرس و سەركردا عاجز نابم چونكە دێ جهێ وی هێتەگرتن و دێ ئێكێ دی هێت بەلێ نسكۆیا یا گشتی و چارەنڤیسێ مللەتەكی یە و گەلەك یا بحمەتە و گەلەك شەهید و روند و گری و قوربانی دا و سەر نشیڤی و ئەڤرازی مللەتێ مە داینە و هەر هەمی ب ئێكجار بچن گەلەك یا بزحمەت و نابیت ئەڤە هەمی ب ساناهی بچیت، رادەستبوون ژ كوشتنێ نەخوشترە و ئەڤە ئاخفتنا جەنابێ سەرۆك بارزانی یە، كوشتن دێ چیت بەلێ دەمێ مرۆڤ رادەست دبیت دێ گەلەك تشتێ دی ل پشت خوە بینت و ب چاڤێن خوە كو پێشتر مرۆڤی خەبات و قوربانی دان بوو كری .
ل دور رۆژێن خوش د ژیانا مام تاهر لیناڤایی دا ژی، ناڤبری گۆت: سەرهلدان بوومن گەلەك یا خوش بوو و مە پشكداری كر و مە هەژمارە هەبوون و ناڤێن مە هەژماركری بوون و پێشتر مە پەیوەندی ل گەل رێكخستنێ هەبوون كو دێ سەرهلدان دروست بیت و دڤێت ئەم چەكی دژی رژێما بەعس راكەین و پێشمەرگە ژی یێ نێزیكی باژێری بوو و پشتی سەرهلدان دروست بووی پێشمەرگە ژی ئیرانێ ژی هاتن، خەلكێ ناف باژێری و پشكەكا چەتان رۆلەكێ كاریگەر هەبوو، (براهیمێ عەلی) رۆلەكێ كاریگەر هەبوو ل سەر هلدانێ ئەڤە ناهێتە ژبیركرن و مە پەیوەندی ل گەل هەبوو و مە باوەری هەبوو دێ سەرهلدان سەركەڤیت چونكە هندەك كاودان ل دەڤەرێ دروست بوون هاریكاربوون كو سەرهلدان دروست بیت ئەو بوو حوكمەتا ئیراقێ یا مژوویل بوو ب شەرێ كوێتێ ڤە و یا لاواز بوو سلێمانیێ و رانیە و هەولێرێ سەرهلدان هاتە دەڤەرا بەهدینان و سەركەفتنا وێ یا پشست راست بوو و مللەت ژی بوركان و ئەگەر مللەت رابوو كەسەك خوە ل بەر ناگریت، ریفراندوومێ ژی گەلەك كەیفا من هات و تشتەكێ گەلەك باش بوو و گەلەك بێژن مە ریفراندوومێ گەلەك ئاخا كوردستانێ ژ دەست دا، پرسیار ئەوە ئەڤە هەر دو شورەشێن كوردی و هەتا نوكە چەند شەهید مەداینە نێ دڤێت پێ،گاڤەكێ ب هاڤێژیت و چ پێنگاڤ دبێ قوربانی دان نین و نابیت هەر ل جهێ خوە بینن و سەرۆك بارزانی ب دەلیڤە زانی دەمێ ریفراندوومێ یە و ریفراندووم هاتە ئەنجامدان.
ل دووماهیێ پێشمەرگێ هەر دو شورەشێن ئیلون و گۆلانێ گۆت: گەنجێن كوردستانێ بەرهەمێ هەمی شورەشێن كوردستانێ نە و بەرهەمێ سەرهلدانێ نە و داخازا من ژ گەنجان ئەوە زێدەتر خوە ماندی بگەن و خزمەتا گەل و وەلاتێ خوە بكەن.
