پارتی ل سلێمانیێ بانگه‌شه‌یا هەلبژارتنان ده‌ستپێكر
ئەڤرۆ نیوز ، عەزیز هەورامی:
پارتی دیموكراتی كوردستان ل پارێزگەها سلێمانیێ ده‌ست كریه ب بانگه‌شه‌یا هه‌لبژارتنان بۆ په‌رله‌مانێ عێراقێ ،بانگه‌شه‌کا هێمن و شارستانی ده‌ست پێكریە.
عه‌تا شێخ حه‌سه‌ن پەڤدارێ جڤاتا سه‌ركردایه‌تی یا پارتی ل سلێمانیێ – هه‌له‌بجه بۆ ئه‌ڤرۆ نیوز راگه‌هاند:مە وه‌ك پارتی ل سنورێ پارێزگەها هه‌له‌بجه و سلێمانی و راپه‌ڕین و گه‌رمیان ده‌ست ب بانگه‌شه‌یا هه‌ڵه‌بژارتنان کریە بۆ لیستا پارتی یا ژماره (184) کو هه‌لمه‌تەکا هێمن و شارستانی برێڤە دبه‌ین.
شێخ حه‌سه‌ن گوتیە ژی:مە هەموو لقێن سه‌ر ب جڤاتا سه‌ركردایه‌تیا سلێمانی هه‌لە‌بجه یێن پارتی ئاگەهدار كرینە،کو ده‌ست ب بانگه‌شه‌یا هه‌لبژارتنان بکەن،ب به‌ستنا كۆر و كۆمبونێن جه‌ماوه‌ری ل ناڤا باره‌گایێن حیزبی،ل گه‌ل ئه‌ندام و لایه‌نگر و هه‌وادارێن پارتی.
پارتی دیموكراتی كوردستان د هه‌لبژارتنێن بوری دا %12 یێن ده‌نگێن خەلکێ ل سلێمانی و هه‌لە‌بجه به ده‌ستڤە ئیناینە و شێخ حەسەنی گوتیە ژی:ل ئەڤان هەلبژارتنان دێ دەنگێن خوە زێدەتر لێ کەین.