پارتی و كارهساتێن پشتی شهڕێ داعش!
گومان تێدا نینه كو شهڕ ب خوه مال وێرانی یه، بهلێ كارهساتێن پشتی شهڕی زور دژوار و بارگرانن بۆ ههر لایهكی، ئهم وهك مللهتێ كورد زۆر جاران شهڕ و كارهساتێن پشتی شهڕی دیتینه و تانوكه برینێن وان شهڕ و كارهساتان ساخ نهبووینه و هێشتا كورد وهك مللهت و وهك حكومهت یێ باجا وان شهڕان ددهت، بگره ژ ئاڤاكرنێ و قهرهبووكرنێ و زۆر كار و خزمهتێن دی كو فهره زێدهتر بۆ ڤی خهلكی بێنه كرن. ئهڤه زێدهباری تێكهلبوون و زۆربوونا كێشێن جڤاكی و ئهڤه مزنترین كێشهیه بۆ ههمی حكومهت و دهستههلاتانـ ئهڤجا یا خویایه كو داعش بۆ كوردان هاتیه چێكرن و بۆ ژناڤبرنا بیرۆكا دهولهتبوونێ.
ئهڤجا ههر زوو پیلانێن وان ئاشكرا بوون و سهنگێ شهڕێ خوه ههمی ئێخستیه دهڤهرێن كوردی و ب تایبهت دهڤهرێن پارتی تێدا دهستههلات! چونكی پارتی خودانا پرۆژێ دهولهتبوونێ یه و ب تنێ و ب كریار كار بۆ ڤی پرۆژهی دكهت، لهورا شهڕێ داعش ب تنێ ل میحهوهرێن دهۆك و ههولێرن و مهزنترین زیان ژ ههمی لاڤه د ڤی شهڕی دا بهر پارتی كهفتی یه، د ههمبهری دا ئهو لایهنێ داعش دروست كری ههر ئهو لایهنه یێ حهشدا شهعبی ژی دروستكری و ههر ئهو لایهنه یێ كونترۆلا ئیرادا سیاسی یا هندهك پارتێن كوردی كری و هاندهت دژی پارتی و كێشێن سیاسی و ئیداری د ههرێما كوردستانێ دا دروست دكهن و ههر ئهو لایهنه یێ پهكهكێ هاندهت ژ ههمی لاڤه كو كێشه و قهیرانا ل دهڤهرێ دروست بكهت، لهوا نوكه چهندین گوندێن ههرێما كوردستانێ ژ بهر پهكهكێ چول بووینه و ماینه بێ خودان، مخابن پشتی شهڕ ب دوماهیك دئێت تایبهت ل دهڤهرێن شهڕ لێ هاتیه كرن ژێرخانهكا ئابووری یا وێران ل پشت خوه هێلایه و هیچ جۆرهكێ خزمهتگوزاریان لێ نهمایه، ههروهسا ژ ئهنجامێ شهڕێ داعش ژمارهكا زۆرا شههید و ئێتیم و سێوی و بیژنان پهیدا بووینه و كاركرن و پرۆژه و چاندن و ساخلهمی ههمی پێكڤه تێك چووینه و راوستیاینه، زێدهباری و چهندین گوند و باژێرك و كۆمهلگههان و دروستبوونا كێشێن جڤاكی.
ئهڤ ههمی بارگرانیه دكهڤیته سهر ملێن حوكمهتێ كو ب پلان و بهرنامه دووباره كار ل ڤان دهڤهرا بكهت و ئاڤا بكهت، بهلێ پرسیار ئهوه حوكمهتێ ئهو شیان ههنه ڤان پلانان جێ بهجێ بكهت؟ ئهرێ لایهنێن دی دێ رێ دهن ب دروستی كار ل سهر ڤان بهرنامان بێته كرن؟ ئهرێ قهرهبوویا مالێن شههید و قوربانیێن شهڕێ داعش چهوا و ب چ رهنگ دێ ئێته كرن؟ ئهرێ كێشێن جڤاكی ژ ههمی لاڤه دێ چهوا ئێنه كونترۆلكرن و چارهكرن كو رۆژ بۆ رۆژێ یێ زێده دبن؟ ئهرێ رێژا تاوانان زێده نابیت و ب ههمی رهنگان؟ ئهرێ نهخواندهواری بهلاڤ نابیت؟ ئهرێ ئێش و نهخۆشی بهلاڤ نابن؟ ئهڤه ههمی كێشه و گرفتن دڤێت ههر ژ نوكه حازری بۆ بێته كرن، ئهڤ ههمی كێشه و قهیرانه و گرفته پشكا شێری بۆ پارتی یه! ئهڤه زێدهباری ئهڤ ململانێیا سیاسی یا توند یا د ناڤبهرا پارتی و لایهنێن دی یێن سیاسی دا ههی و پرۆسا چاكسازیێ كو پارتی درووشمێ چارهكرنا ریشهیی بلند كریه بۆ گهندهلیێ و هوسا دیاره كو پرۆسهكا درێژخایهنه و دهمهكێ درێژ دڤێت بۆ چارهسهریێ، ئهگهر ئهم ب هووری سهحكهینه بارودوخی دێ بینین كو كاودان زۆر بهرتهنگ و دژوارن و چارهنڤیسازن و بارێ پارتی ژ ههمی لاڤه زۆرێ گرانه، بهلێ ب تنێ پارتی پشت گرما خهلكی یه كو هاریكار بیت كا چهوا بهری نوكه و ب ههمی رهنگا و د ههمی كاودانا دا هاریكار بوویه بۆ دهربازكرنا ڤێ قووناغا مهترسیدار، چونكی ههمی لایهنێن دی یێ ب رێیا راگههاندنێ و گێرانا پیلان و خولقاندنا قهیرانان كار دكهن كو خهلكی بێ ئومێد بكهن و ل دورێن پارتی نهمینن! لهورا فهره ئهڤ ڤیان و خوگوریكرنه ئهڤا د نافبهرا پارتی و خهلكی دا ههی ب ههمی رهنگا و رێكا بێته پاراستن و موكمكرن ههر ژ لایێ پارتی ڤه وهك سهركردایهتی كو ب پرۆژه و خزمهت بێته د ناڤ خهلكی دا و ههر ژ لایی خهلكی ڤه كو خودانێن بریارێ نه رێزێ ل ڤان قوربانیدان و بهرهنگاریا ژ كوردستانێ دئێته كرن بگرن و كوردستانێ نهكهنه قوربانی پیلانێن دوژمنان.
