پارتی پشتی رێكهفتنا ئێكهتی و گۆڕان
رێكهفتنا ئێكهتیێ و بزاڤا گۆڕان د دهمهكی دایه، كو پارتی و ئێكهتی گههشتبوونه قووناغا دووماهیێ بۆ راگههاندنا حوكمهتا زۆرینه، بهلێ پشتی جهژنا نهورۆزێ گهۆڕین ب سهر ههلویستێ ئێكهتیێ دا هات و بلانسێ ئهڤێ گهۆڕینێ كهفته لایێ گۆڕان، ب دیتنا من رێكهفتنا ئێكهتیێ و گۆڕان تشتهكێ نوو تێدا نینه، ژ بهركو چهند خالهكێن ناڤا رێكهفتنێ ئهڤێ راستیێ ئاشكرا دكهن، ئێك ژ وان خالێن گرنگێن ناڤا رێكهفتنا ئێكهتیێ و گۆڕان ئهڤهیه، پهرلهمان بێ چو مهرجهك بهێته كاراكرن، خالهكا دی یاكو ب كاكلوكا رێكهفتنێ دهێته هژمارتن سیستهمێ پهرلهمانیه و سهرۆك د ناڤا پهرلهمانی دا بهێته ههلبژارتن، ئهڤه دو خالێن سهرهكیێن ناڤا رێكهفتنێ بوون، بهلێ بهری نوكه ژی ئێكهتی و گۆڕان ههمان ههلویست ههبوویه و ب رێیا فڕاكسیۆنێن خوه پڕۆژه پێشكێشی پهرلهمانی كرینه، نوكه ژی ههردولا ههمان بۆچوون و ههلویست ههیه، تنێ ئێكهتی نهبیت بهریا نوكه ب ئهگهرێ ناكۆكیێن ناڤ خوه هندهك جاران ب شهرم بهحسێ مهلهفێن پهتڕۆلێ و پرسا سهرۆكایهتیا ههرێمێ و دستووری دكر، نوكه پشتی رێكهفتنا دگهل بزاڤا گۆڕان ئهڤ شهرما ئێكهتیێ نهما و ههر وهكی پڕۆژهیێن وان بووینه ئێك پڕۆژه و ئێك دهنگ ههمبهری پارتی راوهستن.
ل ڤێرێ رۆلێ پارتی دیموۆكراتی كوردستان دمینه، چونكو خویایه ههر دو لایهن دژی پارتی رێكهفتینه، ب ههموو پیڤهران رێكهفتنا دهباشان جهێ رێكهفتنا ستراتیژی گرتیه، راسته رێكهفتنا ستراتیژیا ناڤبهرا پارتی و ئێكهتی ب فهرمی نههاتیه ههلوهشاندن و ههردولا كێم یان زۆر پێگیریا خوه ب رێكهفتنێ تهكهز كریه، بهلێ ئاریشا سهرهكی ئهوه ب شێوهیهكێ ئۆتۆماتیكی پشتی رێكهفتنا دهباشان رێكهفتنا ستراتیژی هاتیه ڤهمراندن، ژلایێ واقعی ڤه تشتهك ب ناڤێ ستراتیژی د ناڤبهرا پارتی و ئێكهتی نهمایه، ژبهركو د ههموو پرسێن چارهنڤیسساز دا بۆچوونا ئێكهتیێ بهرۆڤاژی بۆچوونا پارتیه، میناك بۆ ڤێ چهندێ ژی ل پرسێن پهرلهمانی و پهیوهندیێن دگهل بهغدا و بهرخۆدانا رۆژئاڤایێ كوردستانێ ئهڤێ راستیێ دهردخهن بۆچوونێن پارتی و ئێكهتیێ ههڤدژن، لهوڕا پێدڤیه پارتی مرنا رێكهفتنا ستراتیژی یا دگهل ئێكهتیێ بۆ جهماوهر و رایا گشتی رابگههینیت و پێداچوونهكا تمام ب سیاسهتا خوه یا دگهل ههڤپهمانا خوه یا چهند سالی بكهت، ههروهسا ب ئاشكرا بێژیت ئێكهتیێ نه ئهز و نهتوو، ئهڤا رووی دای گهله كۆمهك بوو ل سهر پارتی دیمۆكراتی كوردستان هاتیهكرن و ناڤ ئینانا مهسعود بارزانی وهك سهرۆكێ پارتی ژ لایێ جێگرێ ئێكێ یێ سكرتێرێ ئێكهتی نیشتیمانی كوردستان ڤه، پهرده ل سهر روویێ شهرمنێ ئێكهتیێ لا دا و ئاشكرابوو، ئهڤا چهند ههیڤێن بۆری كۆسرهت رهسول دگۆت مهسعود بارزانی سهرۆكێ ههرێما كوردستانێ یه ئهڤه بۆری.
* ب شێوهیهكێ ئۆتۆماتیكی پشتی رێكهفتنا دهباشان رێكهفتنا ستراتیژی هاتیه ڤهمراندن
* ب ههموو پیڤهران رێكهفتنا دهباشان جهێ رێكهفتنا ستراتیژی گرتیه
