پارتێن رۆژهەلات خوە بۆ خەباتەکا هەڤپشک ئامادە دکەن
ئەڤرۆ نیوز، هۆشەنگ تاجر:
ئەندامەکێ سەرکردایەتیا پارتی دیموکراتی کوردستان/ ئیران بۆ ئەڤرۆ نیوز دیار کر کو گوهۆرین ل ئیرانێ و دەڤەرێ دروست دبن و ناکۆکیێن مەزن ژی د ناڤبەرا پارتێن رۆژهەلات دا هەنە، ژ بەر هندێ ژی وەکو ئالیەتەک ناڤەندا هەڤکاریا پارتێن رۆژهەلاتێ کوردستانێ هاتە ئاڤاکرن و گۆت: (ئەڤ ناڤەندە وەکو ئەزموونەکا دەستپێکی کار دکەت هزر و نێرینێن پارتێن رۆژهەلاتێ کوردستانێ پتر نێزیکی هەڤدو بکەت و زەمینە بۆ خەباتەکا هەڤپشک ئاڤا بکەت، ژ بلی سازمانا خەبات هەموو پارتێن دی یێن رۆژهەلات د ڤێ ناڤەندێ دا پشکدارن).
کەریم پەرویزی ئەندامێ سەرکردایەتیا پارتی دیموکراتی کوردستان/ ئیران ئەو یەک ژی دیار کو کو ئەڤ ناڤەندە دێ بزاڤێ کەت زەمینەکا باش بۆ دروستکرنا بەرەیەکێ کوردی ل رۆژهەلاتێ کوردستانێ ئاڤا کەت.
