پاركا سەرهلدان ل رۆژێن بهێن دێ هێتە ڤەكرن
سندس سالح سلێڤانەیی:
پاركا سەرهلدان، كو ئێك ژ پڕۆژەیێن هەرە گرنگێن سەرۆكاتیا باژێرڤانیا دهۆكێ یە، د قووناعێن دووماهیێ دایە و بڕیارە د ڤان رۆژێن بهێن دا بهێتە ڤەكرن و بكەڤیتە د خزمەتا خەلكێ دهۆكێ و هەموو گەشتیاران دا.
شێروان حەسەن، بەرپرسێ راگەهاندنا سەرۆكاتیا باژێرڤانیا دهۆكێ ل دۆر وێ پاركێ بۆ رۆژنامەیا ئەڤرۆ گۆت: «د مەها 10 یا سالا بۆری دا دەست بجهئینانا پڕۆژەی هاتبوو كرن، دەمێ بجهئینانێ دو سال بوون، لێ هێشتا مەهەك یا مای و پارك بەر ب قووناغێن دووماهیێ یە، ب تنێ چەند كارێن سڤك ژێ ماینە و ئەو ژی د بەردەوامن، لەورا ل بەرە پشتی چەند رۆژەكێن دی بهێتە ڤەكرن، ئەڤ پاركە دێ جوانیەكا دی دەتە پارێزگەها دهۆكێ، ب تایبەت ژی ل دەرگەهێ رۆژهەلاتێ دهۆكێ».
گۆتژی: «پارك ل سەر رووبەرێ 46 دۆنەمێن ئەردی و ب گوژمێ چار ملیار دیناران هاتیە چێكرن و تیمەكێ سەرۆكاتیا باژێرڤانیا دهۆكێ سەرپەرشتیا پڕۆژەی كریە و چوونا ژۆرا خەلكی بۆ ناڤ پاركێ دێ یا بێ بەرامبەر بیت».
