پارڤەكرنا زللەهێن تاریێ
رەوانێ بابلا
ل سەر دێمێ نەبارینێ
خەونێن گولیگەنمان ل ژێر گەڤایە
و جیهان جیهانا خەونایە
ڕاڤەكرن تێر واتایە
ژێدەرێ فێلبازایە
بۆ وان بێدەرا خێرایە..
دەمێ سەردەم
دناڤ بێڤەدانا تاریێ ڕا دەرباس دبیت
بێ پنی یێن ئەفسانەیی دەرناكەڤیت
و زانین ل سەر دیوارێ بەفرا دەبەنگیێ یە
ئەو بەفرا هەمی چال ونەهال داگرتی
چ هاوكێشەیەكا بەرەلایە!
دو جەمسەرن..
دو دەفتەرن..
نەهامەت ئەوە
دەمێ نەزانین ب زانین
ستێرنێ ئاسۆیان دگرت
بەرێ هەتاڤێ ددت سەقەمێ
و هەمی ستێر و ئەختەران
دكەت زەنگل و ل دۆر ستویێ بورجان ڤە
دهەلاویست و
سوعید و فالێن بێ فام و بێ سوعیدان
پێ دخوینیت و ڤەدكەت.
