پارێزگاری پشتەڤانیا پارێزگەهێ بۆ كۆنفڕانسێ ئێزدیان دیاركر
د. عەلی تەتەر، پارێزگارێ دهۆكێ پێشوازی ل لیژنا ئامادەكار یا كۆنفرانسێ زانستی یێ نیڤدەولەتی ل دۆر ئایینێ ئێزدیان كر.
د هەڤدیتنەكێ دا بەحسێ ئەجیندایێن كۆنفرانسی و بەرهەڤیێن هاتینە كرن بۆ گێڕانا كۆنفراسی هاتە كرن، كو بڕیارە ل رۆژێن 29 و 30 /4/2025 ل هۆلا كۆنفڕانسان ل زانكۆیا دهۆكێ بهێتە ئەنجامدان.
پارێزگارێ دهۆكێ خوشحالیا خۆ ب ئەنجامدانا كۆنفڕانسی دیاركر و دەستخوشی ل لیژنا ئامادەكار كر و پشتەڤانیا پارێزگەهێ بۆ هەر هاریكاریەكێ دیاركر.
هەژی گۆتنێ یە، كۆنفرانس ب چاڤدێریا مەسرور بارزانی، سەرۆكێ حكومەتا كوردستانێ و ژ لایێ بنگەهێ لالش یێ رەوشەنبیری و كۆمەلایەتی و ب هەڤكاری ل گەل زانكۆیا دهۆكێ دێ هێتە گێڕان و چەندین ئەكادیمی ل ناڤ و ژ دەرڤەی هەرێما كوردستانێ دێ پشكداریێ تێدا كەن و ڤەكۆلینێن زانستی ل دۆر ئایین و كلتوور و مێژوو و جوگرافیا ئێزدیان پێشكێشكەن.
