پارێزگارێ دهۆكێ: به‌ڕژه‌وه‌ندیا وه‌لاتیان بۆ مه ژ هه‌موو تشته‌كی گرنگتره
ئه‌ڤرۆ:
پارێزگارێ دهۆكێ ل دۆر پرۆژه‌یێن خزمه‌تگوزاری و ته‌نده‌رێن وان ل گه‌ل ئێكه‌تیا به‌لێنده‌رێن كوردستانێ تایێ دهۆكێ كۆمبوو.
د. عه‌لی ته‌ته‌ر، پارێزگارێ دهۆكێ و ب به‌رهه‌ڤبوونا جێگرێ پارێزگاری و ریڤه‌به‌ریێن په‌یوه‌ندیدار دوهی 8/11/2021 ل گه‌ل ئێكه‌تیا به‌لێنده‌رێن كوردستانێ تایێ دهۆكێ ل دۆر پرۆژێن خزمه‌تگوزاری و ته‌نده‌ران كۆمبوو.
پارێزگارێ دهۆكێ د په‌یڤه‌كێ دا راگه‌هاند: ئه‌ڤ كۆمبوونه بۆ گوهداریا گله و گازنده و تێبینیێن به‌لێنده‌رانه و چاوانیا ئه‌نجامدانا ئاسانكاریان و كێمكرنا رۆتینێ د كاری دا، بۆ هندێ پرۆژێن خزمه‌تگوزاری ب باشترین شێوه و كوالێتی ب بهێنه ئه‌نجامدان.
پارێزگارێ دهۆكێ د په‌یڤا خوه دا گۆت: “به‌رژه‌وه‌ندیا گشتی و یا وه‌لاتیان چ بخوازیت، ل دووڤ یاسا و رێنمایان دێ وێ ئه‌نجامده‌ین، ژ به‌ركو به‌رژه‌وه‌ندیا وه‌لاتیان بۆ مه ژ هه‌موو تشته‌كی گرنگتره”.
پاشی سه‌رۆكێ ئێكه‌تیا به‌لێنده‌رێن كوردستانێ تایێ دهۆكێ و ئه‌ندامێن ده‌سته‌كێ تێبینی و گله و گازندێن خوه د كۆمبوونێ دا به‌حسكرن و ژلایێ رێڤه‌به‌ریێن په‌یوه‌ندیدار ڤه هاتنه به‌رسڤدان و رێكێن چاره‌سه‌ریێ ژی بۆ هاتنه ده‌ستنیشانكرن.
