پارێزگارێ دهۆكێ بەرێ بنیاتی بۆ شەش پڕۆژەیان ل شێخان دانا و شەش ژی ڤەكرن
د. عەلی تەتەر، پارێزگارێ دهۆكێ و د گەل دا سالح حەیدەر، بەرپرسێ لقێ ٢٠ێ پارتی دیمۆكراتی كوردستان ل شێخان و دەڤەردارێ شێخان و رێڤەبەرێ ناوچەداریا باعەدرێ و رێڤەبەرێن گشتی و چەند رێڤەبەرێن دام و دەزگەهێن جودا دوهی 14/11/2023 سەرەدانا دەڤەرداریا شێخان كر و بەرێ بنیاتی بۆ شەش پڕۆژەیان دانا و شەش پڕۆژەیێن خزمەتگوزاری ژی ڤەكرن و كەفتنە د خزمەتا گشتی دا.
ژ وان پڕۆژەیێن پارێزگارێ دهۆكێ دوهی بەرێ بنیاتی بۆ دانای و ڤەكرین، ئەڤێن ل خوارێ نە:
– چێكرنا رێكێن ناڤخوەیی ل گەل دیوارێ پالپشت ل سەنتەرێ ناوچەداریا باعەدرێ.
– چێكرن و ڤەكرنا مەدخەلێ نوو بۆ ناوچەداریا باعەدرێ.
– تمامكرنا قاتێ دویێ یێ ئاڤاهیێ ناوچەداریا بەعەدرێ.
– دروستكرنا جۆتسایدێ شێخان، نەهدار قووناغا ئێكێ.
– دروستكرنا رێكا مرێبا – خنس.
– دانانا بەرێ بنیاتی بۆ پڕۆژەیێ قێركرنا رێكێن ناڤخویی ل چڕەی.
– ئاڤاكرنا قوتابخانەكا ١٢ رێزی ل گوندێ مەلابروان.
– ڤەكرنا رێكێن ناڤخویی ل چڕەی.
– دانانا بەرێ بنیاتی بۆ پڕۆژەیێ چێكرن و بەرفرەهكرن و نووژەنكرنا مزگەفتێن، بریفكا – كەلەكچی كەڤن ل گەل پرا زێ مەزن.
– دروستكرنا گورەپانا ڤولیبۆلێ ل سەنتەرێ ناحیا كەلەكچی.
– كولانا حەفت بیرێن ئاڤێ ل گەل تۆڕا ئاڤا ڤەخوارنێ ل كەلەكچی.
– گەهاندنا ئاڤ و كارەبێ بۆ خالێن پێشمەرگەی ل چیایێ باشیك.
– دانانا بەرێ بنیاتی بۆ پڕۆژەیێ چێكرنا رێكا و ئاڤـرێژا و چێكرنا باخچەكی ل سەنتەرێ ناحیا قەسرۆكێ.
هەر د سەرەدانا خوە دا پارێزگارێ دهۆكێ ل ناوچەدارایا باعەدرێ پشكداری د هەوەكا چاندنا داران دا كر.
