پارێزگارێ دهۆكێ: سه‌ره‌دانا مه‌سرور بارزانی بۆ پارێزگه‌ها دهۆكێ ب ده‌سته‌كێ تژی پرۆژه بوو
ئه‌ڤرۆ:
پارێزگارێ دهۆكێ دیار كر كو سه‌ره‌دانا مه‌سرور بارزانی، سه‌رۆكێ حوكمه‌تا هه‌رێما كوردستانێ بۆ پارێزگه‌ها دهۆكێ ب ده‌سته‌كێ تژی پرۆژه بوو، هه‌ژماره‌كا پرۆژێن خزمه‌تگۆزاری پێشكێشی ده‌ڤه‌رێ كرن.
د.علی ته‌ته‌ر، پارێزگارێ دهۆكێ د رێوره‌سمێن راگه‌هاندنا ئیدارا سه‌ربخوه یا زاخۆ دا راگه‌هاند: ئه‌ڤ پێنگاڤا حوكمه‌تا هه‌رێما كوردستانێ، باشترین خزمه‌تا كابینا نه‌هێ یا حوكمه‌تا هه‌رێما كوردستانێیه بۆ قه‌زا زاخۆ، ئه‌ڤه دبیته ده‌رفه‌ته‌كا باش و كارساناهی بۆ بجهئینانا پرۆژێن خزمه‌تگۆزاری.
پارێزگارێ دهۆكێ گۆت: “ئیدارا سه‌ربخوه یا زاخۆ ژ دو قه‌زا و سێ ناحیان پێك دهێت، هه‌ژمارا ئاكنجیێن وێ 302 هزار كه‌سن، رووبه‌رێ وێ ژی هزار و 209 كیلۆمه‌ترێن چوارگۆشه‌نه، 187 گوند و حه‌فت كۆمه‌لگه‌هان ب خوه‌ڤه دگریت، دیسا 54 فه‌رمانگه‌هێن حكومی هه‌نه و هه‌ژمارا فه‌رمانبه‌ران ژی دگه‌هیته هزار و 455 فه‌رمانبه‌ران.
پارێزگاری خویا ژی كر كو د سه‌ره‌دانا پار یا سه‌رۆكێ حوكمه‌تا هه‌رێما كوردستانێ دا بۆ ئیدارا سه‌ربخوه یا زاخۆ، گوژمێ زێده‌تر ژ 66 ملیار دینار و 110 پرۆژێن خزمه‌تگۆزاری پێشكێشی وێ كربوون و د ئه‌ڤ ساله ژی دا 36 پرۆژه بۆ هه‌نه.
