پارێزگارێ دهۆكێ: مە داخوازكریە پارێزگەها ئیسن ببیتە دەستە خووشكا پارێزگەها دهۆكێ
د. عەلی تەتەر، پارێزگارێ دهۆكێ د بەردەوامیا سەرەدانا فەرمی یا خۆ دا بۆ ئەلمانیا فیدرال، سەرا باژارێ ئیسن ل هەرێما ڕاینا باكوور وێستفالیا دا و ژ لایێ توماس كوفن، پارێزگارێ ئیسن ڤە پێشوازی لێ هاتە كرن.
د هەڤدیتنەكێ دا سوپاسیا وێ هەڤكاریا دولایەنە د ناڤبەرا هەردو پارێزگەهان دا هاتە كرن، دیسا بەحسێ باردوخێ نوكە ل دەڤەرێ و روژئاڤایێ كوردستانێ و رەوشا پەنابەران ب گشتی و خووشك و برایێن ئێزدی ب تایبەتی ل كەمپان هاتە كرن.
پارێزگارێ دهۆكێ گۆت: «مە نامەكا فەرمی پێشكێشی توماس كوفن كر كو پارێزگەها ئیسن ببیتە دەستە خووشكا پارێزگەها دهۆكێ، ب تایبەتی د بیاڤێن ساخلەمی، ئابووری و هاریكاریێن مرۆڤی دا، توماس كوفن ب خوشحالیڤە ناما مەیا فەرمی وەرگرت، داكو ب رێیا حكومەت و پەرلەمانێ هەرێما ناڤهاتی بكەڤیتە د قووناغێن بجهئینانێ دا».
