پارێزگارێ دهۆكێ هەژمارەكا پڕۆژەیان ل ناوچەداریێن گردەسێن و رۆڤیا ڤەكرن
رەمەزان زەكەریا:
بەردەوامیدان ب گەهاندنا پڕۆژەیێن خزمەتگوزاری د. عەلی تەتەر، پارێزگارێ دهۆكێ ب بەرهەڤبوونا هەژمارەكا بەرپرسێن سیاسی و حكومی و رێڤەبەرێن فەرمانگەهێن دەڤەرێ، ل رۆژا 18/9/2025 ب گوژمێ سێ ملیار و657 ملیۆن دیناران هەژمارەكا پڕۆژەیان، كو پێك دهاتن ژ ئاڤاكرنا قوتابخانەیان و قێركرنا جاددە و دانانا رۆناهیێن جادەیێن گشتی و كۆلانا بیرێن ئاڤێ و ڤەكرنا وەستگەهێن گەڕۆك و چاندنا دار زەیتۆنان ل ناڤا سەنتەرێ ناوچەداریا گردەسێن و ناوچەداریا رۆڤیا ڤەكرن.
پارێزگارێ دهۆكێ د كۆنگرەكێ رۆژنامەڤانی دا ئاشكرا كر، ل دووڤ راسپاردەیێن سەرۆك بارزانی و مەسرور بارزانی، سەرۆكێ حكومەتا هەرێما كوردستانێ، كاروانێ ئاڤەدانیێ ل كوردستانێ دێ یێ بەردەوامبیت و پڕۆژە ب یەكسانی بۆ هەموو گوند و ناوچەداری و دەڤەرداریان دێ هێنە دابینكرن و ژین و ژیارا وەلاتییان پتر دێ هێتە خوشكرن.
دیسا پارێزگارێ دهۆكێ سەرەدانا ناوچەداریا رۆڤیا كر ل سنۆرێ دەڤەرداریا بەردەڕەشێ و سەردانا پڕۆژەیێ جۆتسایدێ سەنتەرێ ناوچەداریا رۆڤیا كر، كو درێژاهیا پڕۆژەی 990 مەترن و ب گوژمێ چار ملیار و 800 ملیۆن دیناران ل سەر بودجەیا پارێزگەهێ دهێتە ئەنجامدان و هەتا نوكە 42% هاتیە تەمامكرن.
