پارێزگارێ دهۆكێ دوپاتیێ ل خورتكرنا پەیوەندیان ل گەل كۆمارا ئیسلامی یا ئیرانێ دكەت
د. عەلی تەتەر، پارێزگارێ دهۆكێ دوهی 14/1/2025 پێشوازی ل شاندەكێ ژوورا هاریكاریا ل پارێزگەها ئازربێجانا رۆژئاڤا (ئۆرمیێ) ل كۆمارا ئیرانێ ب سەرۆكاتیا ئیسماعیل ئیسماعیلی كر.
د هەڤدیتنەكێ دا ب ئامادەبوونا شكری جەمیل، سەرۆكێ ژوورا بازرگانی و پیشەسازی یا پارێزگەها دهۆكێ بەحسێ پەیوەندیێن دو قولی و قەبارێ گوهۆڕینا بازرگانی د ناڤبەرا هەرێما كوردستانێ و ئیراقێ و كۆمارا ئیسلامی یا ئیرانێ دا و چاوانیا پێشئێخستنا وان جۆرە پەیوەندیان ب گشتی هاتە كرن.
پارێزگارێ دهۆكێ خوشحالیا خۆ ب هەبوونا پەیوەندیێن خورت د ناڤبەرا هەردو لایان دا دیاركر و گۆت: “ئیران وەلاتەكێ هەڤسۆ یێ گرنگە بۆ هەرێما كوردستانێ و یا فەرە هەموو جۆرێن پەیوەندیان پتر بهێنە پێشئێخستن و بزاڤا بازرگانی و ئابووری د ناڤبەرا هەردو وەلاتان دا پتر بهێتە خورتكرن و پشتەڤانیا پارێزگەهێ بۆ هەر هاریكاریەكێ دیاركر”.
