پارێزگارێ دهۆكێ دەست خۆشیێ ل لژنا سەرپەرشتیكرنا حەجیێن پارێزگەهێ كر
د. عەلی تەتەر، پارێزگارێ دهۆكێ دوهی 2/7/2024 پێشوازی ل لژنا سەرپەرشتیكرنا حەجیێن پارێزگەها دهۆكێ و ئیدارا سەربخوە یا زاخۆ كر، كو پێكهاتبوو ژ د. جیهاد حەسەن ئیبراهیم، سەرپەرشتێ گشتی یێ پرۆسێسا حەجا سالا 2024ێ ل پارێزگەها دهۆكێ و ئیدارەیا سەربخوە یا زاخۆ و مەلا ئەبابەكر یوسف محەمەد، بەرپرسێ نڤیسینگەها حەج و عومرێ ل ئیدارا سەربخوە یا زاخو و رێبەر حەجی ئەحمەد، بەرپرسێ نڤیسینگەها حەج و عومرێ ل پارێزگەها دهۆكێ و د هەڤدیتنەكێ دا بەحسێ رۆلێ لژنا سەرپەرشتیكرنا پرۆسێسا حەجا ئەڤ سالە ب گشتی هاتە كرن.
پارێزگارێ دهۆكێ دەستخوشی ل لژنا سەرپەرشتا حەجێ ل پارێزگەهێ و ئیدارا سەربخوە یا زاخۆ كر و خواست خودێ حەجا هەموویان قەبوولكربیت و دوپاتكر كو بۆ سالێن بهێن بەرهەڤیێن باشتر و رێكوپێكتر بهێنە كرن.
هەژی گۆتنێ یە هزار و 112 كەس ل سنوورێ پارێزگەها دهۆكێ و ئیدارا سەربخوە یا زاخۆ پشكداری د ئەداكرنا فەریزا حەجا ئەڤ سالە دا كربوو.
