پارێزگارێ دهۆكێ رێیا كانی توزێ ل دهڤهرداریا ئاكرێ ڤهكر
ئاكرێ، رهمهزان زهكهریا:
گرنگیدان ب پڕۆژهیێن خزمهتگوزاری ئهوێن ل دهڤهرا ئاكرێ دهێنه ئهنجامدان دوهی 3/1/2023 ب چاڤدێریا د. عهلی تهتهر، پارێزگارێ دهۆكێ و ب ئامادهبوونا بابهكر زێباری، شیرهتكارێ سهربازی ل سهرۆكاتیا ههرێما كوردستانێ و مهردان خدر، بهرپرسێ لقێ نهه یێ پارتی و شهعبان خهلیل، دهڤهردارێ ئاكرێ ب وهكالهت رێكا گوندێن (ئامادا – بێخمێ – كانی توزێ) ب درێژاهیا 21 كیلۆمهتران و ب گوژمێ سێ ملیار و 826 ملیۆن دیناران هاته ڤهكرن.
دهڤهردارێ ئاكرێ د پهیڤهكێ دا سوپاسیا سهرۆكێ حكومهتا ههرێما كورستانێ و پارێزگارێ دهۆكێ كر ل دۆر ئهو گرنگیا ب دهڤهرا ئاكرێ ددهن و خواست بهردهوام ئهڤ جۆره پڕۆژه بهێنه بجهئینان.
پارێزگارێ دهۆكێ د پهیڤهكێ دا بناڤێ سهرۆكێ حكومهتا ههرێما كوردستانێ پیرۆزباهی ل خهلكێ دهڤهرێ كر و گۆت: “سهرۆك بارزانی ژی ههردهم تهكه زی دكر، كو گرنگی ب ڤێ دهڤهرێ بهێته دان و ئهڤ رێكه بهێته چێكرن، چونكو رێكهكا ستراتیژیه و ئاكرێ ب دهڤهرا خهلیفان و سۆرانڤه گرێ ددهت و پتر ژ 18 گوندان دێ مفای ژێ بینن”.
پارێزگاری گۆتژی: “نوكه پتر ژ 54 پڕۆژان ل دهڤهرداریا ئاكرێ ب گوژمێ پتر ژ 43 ملیار دیناران دهێنه ئهنجامدان، د ئهڤ ساله ژی دا ههژمارهكا پڕۆژێن خزمهتگوزاری د ههموو بیاڤان دا دێ هێنه ئهنجامدان”.
دیسا ههر دوهی د. عهلی تهتهر، پارێزگارێ دهۆكێ بهرێ بنیاتی بۆ پڕۆژێ رۆناهیكرنا جۆت سایدێ سهرهكی بهرانبهر كۆلیژا پهروهردێ ل ئاكرێ ههتا دگههیته زالگهها ئاكرێ دانا.
دیسا ههر د سهرهدانا خوه دا بۆ دهڤهرێ، د. عهلی تهتهر، پارێزگارێ دهۆكێ دوهی ب ئامادهبوونا بهرپرسێ لقێ نهه یێ پارتی و دهڤهردارێ ئاكرێ ل گهل موختارێن ههژمارهكا گوندێن ناوچهداریا دینارتێ كۆمبوو.
