پارێزگارێ دهۆكێ سەرا بارەگەهێ ناڤەندا خانی یا ڕەوشەنبیری و راگەهاندنێ دا
د. عەلی تەتەر، پارێزگارێ دهۆكێ ل رۆژا 19/9/2024 سەرا ناڤەندا خانی یا رەوشەنبیری و راگەهاندنێ دا و ژ لایێ ئحسان ئامێدی، بەرپرسێ ناڤەندێ و ئەندام و كادرێن ناڤەندێ ڤە پێشوازی لێ هاتە كرن.
د هەڤدیتنەكێ دا ب ئامادەبوونا حەمید عەلی، سەرپەرشتێ كۆمەلگەها نیڤدەولەتی یا ئیبراهیم خەلیل بەحسێ كار و پڕۆژەیێن حوكمەتا هەرێما كوردستانێ ئەوێن ل هەموو دەڤەرداری و ناوچەداری و كۆمەلگەه و گوندان و د هەموو سەكتەرێن خزمەتگوزاری دا دهێنە ئەنجامدان هاتە كرن. د تەوەرەكێ دی دا بەحسێ كار و چالاكیێن رەوشەنبیری و راگەهاندنێ، ئەوێن ب رێكا سازیێن ناڤەندا خانی دهێنە ئەنجامدان هاتە كرن.
دیسا هەر ل رۆژا 19/9/2024 ب ئامادەبوونا د. عەلی تەتەر، پارێزگارێ دهۆكێ و میشێل كامیروتا، قونسلێ گشتی یێ وەلاتێ ئیتالیا ل هەولێرێ و چەندین تیمێن ئیتالی د بیاڤێ شوونوارناسیێ دا و د. بێكەس بریفكانی، رێڤەبەرێ شوونوارێن پارێزگەهێ پێشانگەها تیمێن شوونواری یێن ئیتالی ل كوردستانێ ل ناڤ مۆزەخانا دهۆكێ یا نیشتمانی هاتە ڤەكرن، ئامادەبوویان گەریانەك د ناڤ پێشانگەهێ دا كر و ژ نێزیك سەحكرنە كارێن دیتن و لێگەریانێ، ئەوێن ژ لایێ تیمێن ئیتالی ل سەر چەندین جهێن شوونواری هاتینە كرن.
