پارێزگارێ دهۆكێ سەرا هندەک پڕۆژەیان ل دەڤەرداریا سێمێلێ دا
سێمێل، مووسا خالد:
ب مەرەما دووڤچوونا پڕۆژەیێن حكومەتا هەرێما كوردستانێ، د. عەلی تەتەر، پارێزگارێ دهۆكێ دوهی 4/5/2025 سەرا دەڤەرداریا سێمێلێ دا و ژ لایێ خەلیل مەحمود، دەڤەردارێ سێمێلێ و چەند رێڤەبەرێن میری پێشوازی لێ هاتە كرن.
پارێزگارێ دهۆكێ جودا جودا سەرا پڕۆژەیێن سەخبێركرنا جاددەیا جۆتسایدێ سەرەكی د ناڤ سەنتەرێ سێمێلێ، هەروەسا قووناغێن چێكرنا پاركا گشتی د ناڤ سەنتەرێ سێمێلێ دا، كو هەتا نوكە رێژەكا باش هاتیە ئەنجامدان.
هەروەسا كار ل سەر هەردو پڕۆژەیێن تمامكرنا سایدێ خزمەتگوزاری ژ ئەندەرپاسا سێمێلێ هەتا جاددەیا چاڤدێریا جڤاكی و دورستكرنا جاددەكا 30 مەتری ژ ترافیكا جاددەیا سەرەكی هەتا بنگەهێ لاوان دهێتە كرن.
هەر چار پڕۆژە ب گوژمێ نێزیكی چار ملیار دیناران و ل سەر بودجا پارێزگەها دهۆكێ دهێنە ئەنجامدان.
پارێزگارێ دهۆكێ دوپاتكر كو حكومەتا هەرێما كوردستانێ دێ بەردەوام پڕۆژەیان ل دەڤەرداریا سێمێلێ ئەنجامدەت و پشتی چەند سالەكێن دی دێ دەڤەرداریا سێمێلێ پێشكەفتنێن باش بخۆڤە بینیت.
