پارێزگارێ دهۆكێ ل گهل ههژمارهكا رێڤهبهرێن دهزگههێن راگههاندنێ ل پارێزگهها كۆمبوو
ئهڤرۆ:
د. عهلی تهتهر، پارێزگارێ دهۆكێ ب بهرههڤبوونا خانم ڤیان عهباس، سكرتێرا سهندیكا رۆژنامهڤانێن كورستانێ لقێ دهۆكێ و رێڤهبهریا راگههاندن و چاپ و وهشانێ ل پارێزگههێ، ل گهل ههژمارهكا دهزگههێن راگههاندنێ ل پارێزگهها دهۆكێ كۆمبوو، تێدا باس ل ههماههنگیا د ناڤبهرا سازیێن حكومی و راگههاندنێ بۆ ب دهستڤهئینانا زانیاریان و گههاندنا پهیاما وهلاتیان بۆ حكومهتێ هاتهكرن.
پارێزگارێ دهۆكێ د پهیڤهكێ دا دۆپاتی ل سهر بجهئینانا پیشهیێ راگههاندنێ و ئازادیا پیشهیی و رادهبڕینێ ل دووڤ یاسایێن بهركارێن ههرێما كوردستانێ كر و سوپاسیا دهزگههێن راگههاندنێ بۆ گههاندنا پهیاما وهلاتیان و چاڤدێریكرن و ڤهگوهاستنا كار و چالاكیێن حكومهتێ كر، دیسا هیڤیا سهركهفتنێ بۆ خواست، پاشی هندهك بۆچوون و تێبینی ژ لایێ پشكدارێن كۆمبوونێ ڤه هاتنه بهحسكرن و بیروبۆچوون لێك هاتنه گۆهارتن.
دیسا ب مهرهما دووڤچوونا پڕۆژهیێن خزمهتگوزاری ئهوێن ل كیمهلگههێن تهناهی و شاریا و دومیز ل سنوورێ دهڤهرداریا سێمێلێ دهێنه ئهنجامدان، ب چاڤدێریا د. عهلی تهتهر، پارێزگارێ دهۆكێ و ب ئامادهبوونا خهلیل مهحمود، دهڤهردارێ سێمێلێ و چهند رێڤهبهرێن گشتی، ههژمارهكا پرۆژهیان هاتنه ڤهكرن و بهرێ بنیاتی بۆ ههژمارهكا پرۆژێن دی ب گوژمێ سێ ملیار و 140 ملیۆن دیناران دێ هێنه چێكرن.
