پارێزگارێ دهۆكێ ل گەل رێڤەبەر و دەزگەهێن ئێمناهیێ ل سنۆرێ پارێزگەهێ كۆمبوو
د. عەلی تەتەرن پارێزگارێ دهۆكێ ب ئامادەبوونا لیوا تارق ئەحمەد، نوونەرێ وەزارەتا ناڤخۆ و لیوا یادگار ئەنوەر، رێڤەبەرێ گشتی یێ بەرگریا شارستانی ل هەرێما كوردستانێ و لیوا دیدار عومەر، رێڤەبەرێ گشتی یێ رەگەزناما هەرێمێ كۆمبوونەك ل گەل رێڤەبەر و ئەفسەرێن دەزگەهێن ئێمناهیێ ل سنۆرێ پارێزگەها دهۆكێ ئەنجام دا.
د كۆمبوونێ دا بەحسێ رەوشا دەڤەرێ و كار و ئەركێن هێزێن ناڤخۆیی و ئەو خزمەتا د بیاڤێ پاراستنا تەناهیا خەلكێ پارێزگەهێ دا پێشكێش دكەن و گرنگیا گوهۆڕینان د ناڤ دام و دەزگەهێن حكومەتێ دا هاتە كرن.
پارێزگارێ دهۆكێ پەسنا رۆلێ هێزێن ئێمناهیێ كر، ل دۆر ئەو خزمەتا پێشكێش دكەن و سەبارەت گوهۆڕینا گۆت: «گوهۆڕین كارەكێ پێدڤی و سروشتی یە و ئارمانج ژێ ئەوە ئاستێ خزمەتكرنێ بهێتە بلندكرن، دەست خوشی و سوپاسی ل وان رێڤەبەران كر یێن ل سالێن بۆری خزمەتا خەلكێ پارێزگەهێ كرین و خانەنشین بووین و پیرۆزباهی ل رێڤەبەرێن نوو كر و هیڤی یا سەركەفتنێ بۆ خواست».
