پارێزگارێ دهۆكێ هایداری رەوشا بریندارێ هێرشا پەكەكێ بوو
د. عەلی تەتەر، پارێزگارێ دهۆكێ دوهی 26/1/2025 سەرا نەخۆشخانەیا ئازادی ل دهۆكێ دا و ژ نێزیك سەحكرە رەوشا زێرەڤانێ سنووری یێ بریندارێ هێرشا پەكەكێ ل سنوورێ دەڤەرداریا باتیفا (بێوار جەمیل) ی.
پارێزگارێ دهۆكێ هیڤی خواستن ساخلەمیا زێرەڤانێ سنووری (بێوار)ی باشتر لێ بهێت و ب زووترین دەم ڤەگەڕیتە د ناڤ كەسوكارێن خۆ دا و شیرەت دانە نۆشدارێن سەرپەرشت، كو هەر تشتەكێ پێدڤی بیت بۆ ناڤبری بهێتە كرن و پشتەڤانیا كارگێریا پارێزگەهێ بۆ هەر هاریكاریەكێ دیاركر.
وەكو دیار ل رۆژا ئەینی 24/1/2025 چەكدارێن پەكەكێ تەقە ل زێرەڤانێن سنووری ل دەڤەرداریا باتیفا كر و د ئەنجام دا دو پێشمەرگە شەهید بوون و (بێوار جەمیل) ژی بریندار بوو.
