پارێزگارێ دهۆكێ و شانده‌كێ ژوورا بازرگانی و پیشه‌سازی یا جوله‌مێرگێ كۆمبوون
ئه‌ڤرۆ:
د. عه‌لی ته‌ته‌ر، پارێزگارێ دهۆكێ دوهی 9/11/2021 پێشوازی ل شانده‌كێ ژوورا بازرگانی و پیشه‌سازیا جوله‌مێرگێ ب به‌رهه‌ڤبوونا سه‌رۆكێ ژوورا بازرگانی و پیشه‌سازیا دهۆكێ كر.
د هه‌ڤدیتنه‌كێ دا هه‌ردو لایان ره‌وشا پرۆسا بازرگانی د ناڤبه‌را پارێزگه‌ها دهۆكێ و جۆله‌مێرگێ دا گه‌نگه‌شه كر و به‌حسی چاوانیا پێشئێخستنا په‌یوه‌ندیان و خۆرتكرنا پرۆسا بازرگانی و لێكگوهارتنا بازرگانی د ناڤبه‌را هه‌رێما كوردستانێ و وه‌لاتێ توركیا دا ب رێیا ده‌ریێ سه‌رزێری یێ سنووری هاته‌كرن.
شاندێ مێهڤان سۆپاسیا پێشوازیا پارێزگارێ دهۆكێ كر و دیار كر سه‌ره‌دانا وان بۆ پارێزگه‌ها دهۆكێ ب مه‌ره‌ما خۆرتكرنا په‌یوه‌ندیێن بازرگانی یه و گۆت: هیڤیدارین هه‌ردو لایه‌ن، پارێزگه‌هێن دهۆكێ و جۆله‌مێرگێ مفایی ژ ئه‌ڤان په‌یوه‌ندیان وه‌رگرن.
