پارێزگارێ دهۆكێ و شاندەكێ پەرلەمانێ كەنەدا دوپاتیێ ل پێشڤەبرنا پەیوەندیان دكەن
د. عەلی تەتەر، پارێزگارێ دهۆكێ پێشوازی ل شاندەكێ پەرلەمانێ وەلاتێ كەندا كر و د هەڤدیتنەكێ دا بەحسێ پەیوەندیێن دێرین یێن د ناڤبەرا هەرێما كوردستانێ و وەلاتێ كەندا دا و رەوشا ئاوارە و پەنابەران ل پارێزگەهێ و ئەو هاریكاریێن حوكمەتا هەرێمێ و جڤاكێ نێڤدەولەتی پێشكێش دكەن ب گشتی هاتە كرن.
پارێزگارێ دهۆكێ رۆهنكرن دانە سەر پەیوەندیێن هەرێمێ ل گەل كەندا دا، كو ڤەدگەڕن بو سالا 1991 ژ هینگێ وەرە و هەتا نوكە حوكمەتا كەندا گەلەك هاریكاریێن مرۆڤایەتی و یێن لەشكری پێشكێشی هەرێما كوردستانێ كرینە، پارێزگاری بناڤێ خەلكێ پارێزگەها دهۆكێ سوپاسیا گەل و حوكمەتا كەندا كر و هیڤی خواستن ئەو پەیوەندی پتر پێشڤە بچن.
پاش ئەندامێن شاندێ پەرلەمانێ كەندا چەندین پرسیار ل دۆر رەوشا پارێزگەهێ و ئاوارە و پەنابەران و پێكڤەژیانا ئولی و نەتەوەیی ئاراستەی جەنابێ پارێزگاری كرن و بەرسڤێن پێدڤی ل سەر هاتنە دان.
دیسا ل رۆژا 1/9/2023 عەلی تەتەر، پارێزگارێ دهۆكێ د گەل دا سەرۆكێ باژێرڤانیا دهۆكێ سەرەدانا قووناغێن سەخبێریكرن و رێكخستنا دەرگەهێ ئالۆكا كر، كو بڕیارە د ڤان سێ رۆژان دا ب تەمامی بهێتە قێركرن و بكەڤیتە د خزمەتا وەلاتیان دا.
